Keep Quiet (安靜一點)

今朝早十點返去..當然預左係咁
第二次冇聽CCIV Talk啦!!
傾到兩點幾 然後一齊去南山食飯
忽然間諗埋D無聊謎語 哇真係低B鬥白痴^^哈
返City再去睇佢地~原來係1on1 In
咁就當然..終於去得成啦!
仲有雞執 哈哈 咁好彩
我都識唱"Give Thanks"
彈左好多歌 雖然冇譜係爭緊D~
所以下次記住羅譜啦
搵日Jam返次!總算五音齊全呢我
第一首歌叫做 "幾分鐘的約會"
記得啦我!
仲有果首叫做 "分分鐘需要你"丫嘛
真係令人可疑>.< 但咁又真係值得笑喎~

睇左段好有意思既文，同有緣人分享一下 ：

"世上最好的事情是：
所有人都愛我們然而這並不是真實的人生。
真實人生的抉擇是：
你願意跟所有人都保持普通關係，
還是被人深愛同時被人痛恨？

有時候我們是身不由己的，
有時候我們的際遇卻由自己決定。
乖巧馴服的人不容易開罪他人，
但同時難以讓人留下深刻印象。
率真是原罪，不過保持真我，
還是比一輩子面目模糊要強得多吧，

當我們知道自己是誰，才能說服別人深愛我們。
與其白活一場，我寧願把真實的自己表露無遺，
這時候，也許就有人看不過眼了，
然而一個人如果夠自信和世故，
他會明白，那些憎恨他的人，
存在的意義僅為證明他的與別不同，
他不會為他們動氣難受的；
而愛護欣賞他的另一群，才是他努力的意義。

他不會刻意改變自己逢迎他人，而當某天，
連原本討厭他的人都因他的努力而動容，
而變成喜歡他，到時候的成功感才真正大。
你愛我嗎？你恨我嗎？愛恨都是需要力氣的，
只要一天還有人對我動容或動氣，
我就知道自己畢竟沒有被人遺忘。
愛和恨，也是一種緣份，愛過恨過，才是完整的人生。

我明知道無法討好世上所有人，
於是我寧願竭力取悅我所深愛的，
這樣子我不會得到全世界的友誼，
但我的朋友都是推心置腹的；
我不會得到很多戀愛，但因誤會而展開的機會減少了，
每一次，對方都是喜歡真實的我，
也於是大家可以把掩飾猜度的時間花在好好戀愛之上。
有幸得到別人的喜愛，我願意付出更多來回報他；
面對別人的恨意，抱歉我卻無法做得更多。
說不在乎別人的倒采好像很驕傲，然而到底，
我們別無他法，假如淪落到搖尾乞憐的地步，
到時候不但別人看不起我，連我自己都不會看得起自己。

這已經不是一個講傲骨的年代，但我寧願相信，
當我們有所堅持的時候，還是比較可愛的。
雖然我們不一定明白別人喜歡/討厭我們的原因，
然而至少我們知道，我們並不面目模糊，
這個世界，曾經因為有我們，而有點不同過。"

好Arm近排我既諗法~或者我根本就係個咁既人
"擇善固執"

Emergency Vehicular Access (緊急行車通道)

如果人生是一條EVA的話
你可以選擇讓它變成Access Road
或者變做Private Street
做Private Street要1:30成90度出大街
做Access Road就唔可以過120度
都係做純EVA最好(請不要以為是某人的名字)
只要佢仲係條EVA 就只會起有用既時候有人記得佢既存在
冇人用既時候 冇人知道原來佢係一條救命既路
有人用既時候 D人先知道佢既重要性
Access Road唔係唔好 只係太過嘈
Private Street都可以做 但係唔做就仲好(依兩句好似唱歌咁)

記住 做EVA既始終係EVA
終有一日都係會有消防車過
雖然唔知果日會係幾時 幾點 咩天氣
但係只要救到人 EVA就會好開心
因為佢"生不為已 死不抱怨"
不過我仲未見過一條死左既EVA......^^(唔好笑的Gag)

What you see is what you Believe
眼睛不會說謊 直覺太強 太多的預感 太少的理性
"這就是我"

Characteritic (性格)

尋日晏晝去左沙田還書+借書 之後返City
原定等阿歡姐做完Blem break0下去練琴
點知間琴房Full左添
哈~拖拖0下都係聽唔到佢既演出..唔淮唔得!!!
我點都要聽到為止!!!
咁鬼暖都著到成個雪人咁 哈哈
擺明玩野?!我好眼利..一睇就知
都係黑色好睇D
o拿!星期一!!唔準懶貓

"決定命運的 是性格 決定性格的 是自己"
PS:米姐情人節果日出嫁 預祝佢同子偉白頭到老 永結同心~

Phantom Rail (幽靈列車)

昨日於月台上迅速拍下的幽靈列車映象....說笑的

Mst beautiful weapon in this earth (世上最美麗的武器)

聽日Present 今日就好Hae咁攪掂晒D data
我有一點傻 針對我傻的人可以繼續針對
咁大個人總會知道自己應該做D乜
只係我中意玩得過份D姐
了解我的人自然明白
起我心入面果條界線比任何人都清楚

尋晚發夢見到D"野"..嘩 好恐怖
真係諗唔起佢以前會係個咁既人

"Keep It Simple and Sound"
這是我現在對建築的理解
別為了追求完美而複雜化
別為了某人的評分而放棄自己的主張
設計的是為了用家 不是為了導師
這樣簡單的也不明白
只是一個因勢利導的人

不過Archi內太多被分數蒙敝了的人罷了~
缺乏內心的思想 創意也就枯死
連靈魂也不知飄往何處

金牛座 Taurus (04/20 - 05/20)
綜合運勢：★★★★
愛情運勢：★★★★
工作狀況：★★★★
理財投資：★★★
健康指數：90%
商談指數：79%
Lucky Color：黃色
Lucky Number：7
速配星座：山羊座

由束縛、壓力中解放的自由感，週五下班後的休閒就讓它熱熱鬧鬧的吧。
工作與遊樂間的平衡感良好心靈上充實的一天。
如果能與以前的老朋友、小時候的同學等見個面聚會，日子更有趣的感覺呢。
介紹運佳，朋友的介紹就不要拒絕了，好對象在等著你呢。

奇怪的運程~我要做一個不鑽牛角尖的金牛座!

Less is More (少即是多)

是日寫真日記

1.今天的設計思維

2.設計概念- 局部

3.旺角天幕

4.旺角回旋

5.設計概念- 剖面圖

6.設計概念- 標記

7.旺角集會

今日起City用左好多時間諗Design

初步的構思已經考慮好

但會唔會起實施果陣再遇到其他問題?

好多野就咁Sketch就好似Work

但實際上又唔得

希望唔會再係咁!

近排靈感同工作能力都提高左

但成日俾人話癲話傻

今晚果餐飯跌左兩次筷子

仲要俾佢地串我添

哈哈..我不嬲都係咁嫁啦

第一日識我咩?

Hub (中心)

究竟什麼是建築呢?
是你覺得那種設計很有主題 很特別 很有賣點
就是好的建築設計嗎?
建築不就是空間嗎?
拿個比喻來說
水杯是建築的表面
水才是建築的?面
因為它是空的
所以才能載滿水

做人亦是同一樣的道理：大量能容
讀建築的人 必然是個充滿彈性 謙虛坦誠的人
我們必先經過的一步就是
被人批評得體無完膚 然後重新振作起來
我們若果太堅持己見 甚至忽略別人的話
到頭來只會走進牛角尖 愈走愈遠
所以 放下無謂的尊嚴 好好承認自己知識不夠
那麼 我們從沒有中所學習得到的
定比自以為有的學得更多

今日堂Lecture忽然Cancel
返左Studio傾好耐Blem+Ject
總算出到野 希望大家唔好再推波仔
見到佢好忙喎 哈哈
夜晚半Hae半做咁樣攪0下Ject
返到屋企 原來今日鼠左去練PNO~
可惡.. 下次Solo?咪啦 哈哈

Shuffle Play (隨機演奏)

原本諗住今日返去做問卷
哈..
我真係唔慣淨係不段得個講字但係乜都做唔到出黎
我想大家真係有傾有講又做到野
唔該個個都主動D啦~
不過我承認自己溝通都有問題既
始終都係要一個Leader帶頭做野

Vincent兄講野有佢自成一格既Style
傾完個Blem之後 然後同佢地傾計
原定阿歡既PNO演奏因為太晏關係而取消添
染髮扮冇染!! 哈 下次記住帶譜啦~

無論點好 都唔可以俾情緒因為身邊既事而改變
只要保持住一個好既心景 咁就萬事大吉 心想事成~
"我唔可以俾心情咁肉酸呀" 學阿邊個咁講..哈哈

我諗起細個果陣既憧憬
好想抱著果種天真既心景去做事
唔想顧慮太多
錯左可以再黎過
其實我諗野真係好傻 好天真呢?

人地對我係點都冇所謂
只要我對人係出自良心就得
但有時候 你對人好 人地未必對你好
依個世界有D人好中意跟紅頂白
冇乜包容 淨係為左自己而諗
唔會切身處地咁樣諗0下人地點諗野
Fine 我希望同我做朋友既唔係D咁既人
如果你係 Bye~!

Extra (附加)

以下是我有記憶以來的過去：

小學一年級搬屋
搬黎大埔之後竟然撞返提摩太既同學
佢係處女座既女仔
之後我地有七年(上埋中學)都係同班
不過我同佢相差太遠
果陣既我根本冇資格去中意人
所以我只係一路暗戀
直到中三俾人踼出校
以為冇路行~
點知去左靈風

中四果陣班上面發生過好多事
但始終都係我中學生涯最好玩既日子
直到中五果陣 成人俾人唱我同佢一齊
佢係天蝎座既女仔
我地去過幾次街 睇過兩套戲
斷斷續續 係我唔夠膽 浪費左好多機會
我又咁拖泥帶水 為人冇主見
而且佢變得太快
我估唔到佢點諗
直到零三年既八月廿六號
我同佢表白

我拖左佢隻手去海濱公園
沿途我都唔肯相信
直到佢講"夢始終係會醒"
我先明白自己一直都執迷不悔
跟住過左幾晚暗湧般既結束
自始之後我地再冇聯絡
直到零四年既一月一號
係我最後見佢既日子

自此 我個心好似識自我復完咁
徹徹底底咁樣刪減左幾年既記憶
不過後遺証係：記憶差左好多

如果真係冥冥中真係有一個次序既話
希望唔會再不斷咁樣改變
我好想安安份份咁樣照顧身邊既人
無論佢係邊個都好
對我來講愈簡單既事就係最開心既

Archi依兩年並唔係改變我最多既日子
但無可否定 我係比以前成熟左
開始為未來切想
而且仲識到一班同學仔
仲一齊去過咁多地方學野同玩
我都係第一次搭飛機~
起日本同新加坡既經歷都好難忘

人愈大就愈少機會可以一齊玩lu~
希望第日你地第日仲會記得我依個喪人^^

Ordinary Sunday (平凡星期天)

上晝節目：今朝早起身->剪頭髮->食Lunch->
下晝節目：打機->跑步去大尾篤->返屋企食飯
近排好中意一個人去感受冒險既樂趣
跑去大尾篤既途中去左三門仔
見到有棟好型既基督教學校
同埋金光閃閃既三門仔避風塘

我開始領悟建築 領悟空間的感覺
特別在一個人的時候
你會完全成為建築的中心
我被空間擁有著
真正的建築不是概念上 外觀上的言語遊戲
它可以只是一個小亭 椅子 碼頭
但它切切實實地解決了人們的需要

建築如是 做人亦如是
我們不需要用太多花言巧語包裝自己
真正的美來自簡單直接真誠坦率
足夠就是完美

Dance Dance Dance (舞舞舞)

秘密公園的九龍夜景

終於換到個用到既紅外線Reader 太好了~
第一張Post上黎既係起黃大仙果度影既夜景
果晚同符碌起山上邊講左好多過去既事
依個地方對佢黎講原來有咁大意義

做人就係咁~ 明知佢唔係好人都仲會中個頭埋去
有D野明知係錯 但就係要嘗試過先至唔會汲取經驗
我們太年輕了 因此也還未有顧慮太多的需要
我羨慕你有的 你羨慕我沒有的 也是一件好事

此刻的我無憂無慮的為著最後的一個學期用尼A們會覺得我改變了嗎? 即使以前的我如何不濟
"我不會否認我曾經有過一個惡劣的過去"
但現在我總算看得起自己 看得起別人
原來 快樂很簡單 只要把一切事物看淡
其實所有事情都只是按規律發生

沒有絕對 誰也可以成為心靈的革命者
下定決心 一步一步向著目標進發!

Freedom Pleasure (一個人的快樂)

世界大同

尋日係Happy Friday 點解叫Happy Friday?
因為係一個禮拜最後果日囉!
上晝返去上blem->又一城KFC->返City hae->旺角朗豪坊約吉
之後去左星際睇0下D大陸書
行左冇耐就啟程返大埔
去左一個我未去過既地方搭72X
沿途吉姐羅左我部X200黎玩...不過得隻正常人唔會玩既高爾夫球
仲問左一個我最近好中意問既問題：你係咩星座？

我知道星座唔係100%證明一個人既性格
根據我既經驗 我身邊既人都有著果個星座既性格
其實起潛意識入邊 我已經記住你係咩星座
迷信 先入為主? 某程度算係
至少我仲未遇到一個人既性格同佢既星座係唔符合既
不過我還是要說一句：這只是上天安排的命　不是你將來的運
如果星座把你的性格寫得很差很爛 難道你就不會改變?
始終命只係佔人生既一部份 運先係你既努力

或者係用右腦思考既人比較中意依D另類知識
過左上個Sem之後 我個人大過左?
已經覺得鬥高分依D野係一樣毫無意義既遊戲
特別起睇完月初既各大頒獎典禮之後
我覺得香港既人..已經失去左果種破舊立新既動力
點解依家仲企起度既 仲係D十幾年前既人?
唔係話佢地唔好 但係點解新不如舊?
冇晒果種令人期待 只係好似例行公事咁既節目
老實講句：十分悶

睇返今年旅行D相
一年內去左三個地方：日本、新加坡、馬來西亞
睇既野同學既野都多左好多
完全體驗咩係"讀萬卷書不如行萬里路"
我亦真正咁愛上左旅行既樂趣

咁大個人 有咩好驚?
一樣的對白 在不同的事空 有著不同的訴求 不同的夢
"不同的人"

Accidental Destiny (偶然的命運)

尋日上完Joseph的堂 對"改變"這話題有些話說：

性格決定命運 性格控制命運 性格創造命運
這三者有何不同呢? 實際上三者所指的都是同一種事
"性格左右了你一生的際遇"
在命途多桀的人心? 命運便一早決定了他一生的前途
怨天尤人的說上天待薄自己 卻忽略了命運是會改變的事實
在樂天知命的人心? 命運只出現在他一生的某段時期
所以他在逆景時 沉著應付 儲起光芒 留待順景時順勢而發
上天賜給我們的 就是自由意志
"我們不可以改變天氣 但我們可以改變心情"
即使天色昏暗 暴雨交雜 雷電交加
我們仍可以做的事就是怨憤 責? 自憐卻又坐視不理嗎?
既然連自己都不改變 又如何能夠改變命運呢?
沒人應許改變的路是條平坦路途
也許開始了便沒法重回昔日光陰
也許在改變的時候 付出的比失去還要多
那麼 人為何還是改變呢?

改變的目的不是為了改變 而是為著活得更好
因遁守舊 安守本份和墨守成規的人佔了世上多數
改變是生命力的證明 改變是知覺 理性和感性的混合
沒有人能夠沒有思考而改變卻又?到目的
所以~ 別害怕改變 別因為未來難以掌握而不接受
只要思考過未來的成果時 即使付出再的努力還是值得的
走出一天到晚怨天尤人的氣氛 就首先要讓身邊的人感受到
你不是從前那個無所事事 消極悲觀的人
首要的是：培養智慧 在適當的時候做適當的事
笑多點 放鬆多點 愛多點 幫助多點 玩多點
還有：別說不！

Left and Right (左與右)

寫日記這個過程對於我是很重要的
因為我是一個很善忘的人
我是那一種用"潛意識"來行動的人
一般人很難理解吧?
普通人會把記憶放在"表意識"
那是一種最直接最快捷的做法
但對於不講理性的我來說
表意識的倉庫太小了
擠不進日新月異的資訊
所以我開啟了腦內的另一扇門：潛意識
但弊點也蠻多的 例如：感情用事、直覺、敏感、注意力不集中
也許我是一個天生的左撇子？實際上我不是
但是性格卻和左撇子無異

"左撇子不具備優勢的職業有行政管理、
机械制造、健康服務、 教育和家庭主婦 。
左撇子具有優勢的職業有藝術、音樂、運動和信息技術。"
從道家的角度來說，左撇子所看到的是無，右撇子所看到的是有。

被人們稱為天才的愛因斯坦曾說過：
“我思考問題時，不是用語言思考，而是用活動的跳躍的形象進行思考。
當這种思考完成時，我要花很大力氣把它轉換成語言”

左手人的世界也許比較難明一點？

Star never tell lies (知星如知人)

我是一個100%的金牛座 且看一下星座的評論：

金牛座是一個慢條斯理的星座。凡事總是考慮後再過濾，
屬於大器晚成型，情思也比較晚開。
但他們有超人的穩定性，一旦下賭注，就有把握贏。

金牛座的人似乎天生就有憂鬱和壓抑的性格。
當這些累積到頂點時，就會如同火山一般的爆開。
他們在十二星座中算是工作最勤勉，刻苦耐勞、堅忍不拔的；
耐心、耐力、韌性是其特性。他們相信擁有愛情、美麗與富有的喜悅，
是生命存在的證明，也是他信仰的真理，為著這個目的；
他們會選擇最安全、確實的途徑（通常是長期的醞釀和深思熟慮的結論），
一旦下定決心，沒有人可以改變它。

他們忠誠、真心、善解人意、實際、不浮誇、率真、負責，
凡事講求規則及合理性。
喜歡新的理念並會花時間去接觸、證明，是個自我要求完美的人；
同時他們對物質和美的生產力方面，也是超人一等。
在藝術創作的領域中，不是藝術家就是優秀的鑑賞者。

A brand new me (革新的我)

開卷有益

重新開始讀Archi的日子~
第一次傾Blem就可以出到問卷
哇..希望個個都幫0下手攪0下個Ject
個腦唔似Sem-A咁一舊飯啦
諗野快左 醒左 深入左
可能係過左04年既關係?
聽Kenneth講書都唔覺得有咩難度~
可能係全部野都用過晒 哈哈

起我既腦入面記得既只有一堆數字
樣貌 聲音 地方 情感 也許已隨歲月消淡
我記得的是 我坦誠的做過我無悔的事
人生不就應該這樣的嗎?
"苦甜交雜"

今日返學羅左本"商道與人道"
沿途不斷咁睇
原本覺得講生意既書一定好悶
點知出乎意料地本書幾好睇喎
我好中意睇D講人生道理既書~
近排好似愛國意識好濃厚
好中意睇返中國歷史既書/買唐裝
咩事呢究竟?

Smile (笑)

希望每一天都是開開心心 就好似依個女仔咁笑得燦爛~

笑是天性的本能 沒必要有什麼原因
大聲一笑吧~ 當你覺得沒有任何東西憂慮時
在這個複雜的社會 千金易求 但一笑難求
成長的路雖然很遙遠 但我總算踏上了第一步
哈哈哈哈哈

Do it when you think it (坐言起行)

今日晏晝兩點先起身
起完身之後晏晝就起度打機
打左好耐..忽然間Hang機 唔想再打
這一刻方才反思
"點解咁大個人仲成日做D冇意義既事?"

今天下午原定的計劃：
影相/行圖書館/出街
所以這一刻 我要出去
反正也凍了咁多日..
真正咁樣去一次大埔個新圖書館先!
返來再執0下D料聽日Share
坐言起行!

我深覺幸運 因為自童年自今我經歷的比別人多
經歷多左 個人就會睇化/睇淡身邊既人/事/物
我知道
"人善忘的原因 離不開曾經發生過最深刻的事情
但在人生路上已經無法重遇 所以記性自然地變淡"
我知道
人唔聰明 比聰明既人開心得多
因為唔聰明既人永遠都唔會嫌唔夠 唔知足^^
太聰明既人 只會覺得自己仲冇乜 而忽略自己仲有D乜
好禪? 咁大個人用0下腦會好D既~唔洗成日胡思亂想嘛

Celebration Song (紀念曲)

靈感太充沛 所以一口氣打下第二篇日記
晚上燒烤的時候 腦海忽然很想記下
高中時候聽過的歌 而又是最觸動心弦的
小時候的幻想能力很豐富
總是很容易就會聽歌而鼻酸

金曲名單排名不分先後：(唔係D咩蒲公英全集)
寂寞流星群-林憶蓮
路過蜻蜓-張國榮
給我愛過的男孩們-彭羚
不愛我的我不愛-王菲
全世界失眠-陳奕迅
一生一火花-張學友
祝君好-張智霖
潛龍勿用-謝霆鋒
愈笑愈勇-車婉婉
可人兒-楊千嬅
阿門-容祖兒
禁果花-鄭秀文
刀槍不入-盧巧音
一千次日落-許志安
我這麼容易愛人-黃耀明
...等等

香港既音樂只有情歌
而且十首有九首都離不開失戀
哈哈 我之所以揀依D歌當然唔係憑歌寄意
而係真正覺得 旋律好聽 歌詞精警
想記得既歌曲名仲有好多
不過如果有人發現以上歌曲有咩共同點
都算係一個真正了解我既人~(提示：我係死硬派)

Crazy when you feel happy (因為快樂所以瘋狂)

今日晏晝 去左中央圖書館睇Archi的展覽
可能因為Sem break去完獅城既關係..覺得香港既作品平平無奇
定係人大個左 所以要求高左呢?
覺得"有Design,但係冇Heart"

今日同大伙兒去左赤柱燒野食
讀得Archi 難免要講人是非或者俾人講
老實講 我兩種人都唔想做
我唔想踩多人一腳 或者俾人踩
做人點解唔可以安份一D?
或者要講0下人地是非先溝通到
我從來都係起事情未起眼前出現都唔會去批評
畢竟 我覺得少說話多做事先係我既作風
如果係明我既人都知我點解唔中意咁嘈

人大過左 就應該明白好多/識諗多D
或者大家見到平時呆滯既我
覺得我係一個好蠢既人
冇錯 我唔否認 我天資唔係比人好
不過我唯一有自信既係
我係一個好中意諗野既人(白日夢?)
所以..如果你見我唔多講野既時候
就係我發緊功啦~
不過如果有D人以為我係一個蠢蠢鈍鈍
粗心大意既人 都冇計啦
人始終都會有誤會
況且 人始終都係以自己為中心
不過 我覺得真正同我相處既朋友
都知道我係D咩人

我係癲嫁啦 做人唔玩盡D點對得住自己?
金牛座既人 自然有點固執 但唔代表我唔講道理
認真地玩 認真工係我既宗旨

"真正的光明並非來自外界的，
而是來自排除內心對黑暗的恐懼。"
訓唔著既夜晚特別多靈感...ZZZ
"我"終於返左黎? 好似係~各位繼續努力!

Survival (險境求生)

人類最大的敵人是什麼?
戰爭,財富,名利,愛情,統統不是
其實最大的敵人是恐懼
懸崖不可怕,火災不可怕,被困不可怕
最怕的是生命彌留的一剎那
緊握最後的火花 勇敢一博
恐懼本身並不能擊到任何事物
卻偏偏束縳住我們的身心
想克服它,唯有的是"忘記它背後的種種,全力一試"
最緊要還是"忘記自我"這種方法很有效...!(哈哈哈)

P.S.:亞視的險境求生手冊好好睇,逢禮拜六晚上九點半播映~
教你跳崖,跳樓,逃出火埸,野外求生~正!

Weather Report (天氣報告)

是日的天氣報告

是日大寒...萬事不宜
看看天氣便知道~
香港現正進入冰河時期
請各同胞保重身體

P.S.:中國雖以農業社會立國,
但其五千年文化實在博大精深,
大寒之後...立春,哇~ 快D黎啦春天~~

Everything has there beginning (每樣事物都有開始的時候)

新日記開張
各位睇過之後有乜感想可以留言啦~