Sun was Shining (當太陽曾經閃耀)

今日坐307起九龍灣望向維港 好靚!!
起東區走廊望返北角華匯 天后勵德村 仲有中環
好壯觀...但最衰冇起北角落!!
窒車關係 都係去返北角
歡迎光臨興業建築有限公司
係第一日先至會咁準時返工~
起一號房等Stanley返
提點0下D新人有咩要準備啦
點填Form,Line Weight,Layer,Superhatch...
跟手幫Kenny改0下上海瀛都個ELE
其實都係係改0下Fins D Thickness呀
手板眼見功夫 難得有人話我快
其實我都Hatch左成個禮拜西安....

晏晝去了成崑食廿二蚊兩送飯
同埋去左吉之島十蚊店
羅個罐上手就知你諗乜啦!!97喎朋友仔~

其實今日都冇乜野做~KO左份ELE之後
幫阿黨Plot圖
Hatch左成日玻璃?第一次做係慢D~
記住係Alt X+D+S
仲有DR->B/F Layiso Layon Layoff果D冇理由唔識~
忽然間做左師兄?!其實我都係早兩個禮拜入黎姐
況且我年紀最細喎...
阿黨同阿志果個神情咩意思呀????

無驚無險 又到六點 放工
我起金鐘散
搭左出尖咀行去旺角再搭72X
返到大埔又行左陣 到屋企都十點
七一放假 正 石澳啊~~
返工先咁恨放假
唔好落大雨!!!!!!!!

睡醒的時候 發覺好夢猶甜
一夢解千愁 的確沒錯 抖摟精神 自由行
我還年輕 還有很多機會等待著
聖人也沒有完美 何況是個平常人呢?
因為 我還年輕 至少 我還沒有不能放下的包袱
人的成長 就是在不斷的改變
打破自己先入為主的態度 重新又重生

"回到童年時"

那時候朋友只不過是課餘的玩伴
談論著的盡是不盡邊際的幻想
也許你的朋友常常欺負你
但是那種坦率而真誠的態度永不變質
太多只是說句"我以後唔同你玩!"
訓醒覺返學就一齊抄功課
年紀大了 便發覺隔閡這東西存在
或是由於性格或不同的生活環境
人們逐漸漸不能夠和不合自己的人相處
為何呢? 是因為人們慢慢了解自己的性格
為自己定義了何種人
內向的 外向的 幼稚的 成熟的 遵規的 失控的
我們的忘記了 像孩提時代的包容與漫不經心
做朋友 不過是為了一齊玩而矣
沒有表面上的朋友 亦沒有精神上的朋友
沒有形而上的朋友 亦沒有肉體上的朋友
朋友 只不過是為了一齊開心 一齊玩樂而已
的確 不用多費心神 不用說什?理論
只係 有咩事果陣 兩?插刀 咩都唔洗講
"笑那些小圈子 吃什?也是錯 那管多數小數 是誰製造?"
朋友 和我遇上的就是 友誼第一 很多年沒說了~

天將降大任於我身上嗎?

Wisedom (智慧)

其實我們每個人都是一頭豬 !!

因為快樂 就有悲傷
因為美好 就有醜惡
因為智慧 就有虛偽
我們因為什?事而在擔憂著呢?
為何會有時候開心 有時候不開心呢?
竟然是開心的事又為何會令你不開心呢?
想沒有悲傷 就沒有快樂
想沒有醜惡 就沒有美好
想沒有虛偽 就沒有智慧
我們都明白 不快樂與快樂都像感冒
沒可能永遠伴著你

認為完美就是承認缺陷

就能夠找到真正的快樂
老闆快樂嗎? 財主快樂嗎?演員快樂嗎?
快樂的定義在哪?

你覺得的一切 只是自我意識所感覺到的

人同時具有優點和缺點能體悟人

就是這樣 就會自然而然 變得坦蕩謙虛

將心分為喜歡和不喜歡

其實這是一種病態

因為執著於喜歡才快樂 不喜歡就不快樂

戰勝這種病的方法是什?? 沒有

這並沒有所謂的勝負

只是去區分喜歡和不喜歡本身就是一種病態

只要明白這個道理 勝負就不存在了

並非修行 只是改變觀念

今夏隆重期待－勝利十一人第九輯
http://www.konami.jp/gs/game/we9/

Destiny (緣)

97/91?

雖然我平時看似模模糊糊的

但大是大非我還是分得很清楚

Spiritual Void (靈魂之窗)

返工之前睇I-100%
真中終於都同西野
東城終於都同真中
命運之輪終於都將他們的紅線牽在一起
之後既故事會發展成點呢~
97/91?

今日眼微眺左成日
左吉右凶...好大件事
淨係得一邊眼係咁眺
聽日黎in~ 仲未練熟手Cad
但你都有野做啦!!仲黎~
請食早餐同俾手信又唔同講法~

夜晚同師兄倆去左尖咀行
都唔知行左去邊!?
原來咁近火車站
好耐冇搭過了...
返到屋企聽到王菲舊曲精選
重聽那些聽出耳油的歌
又有另一番不同的感受?
只是那年的我已經變了很多
不論是人和事的變遷
經歷 知識 道德觀 原則 鬚根...
這些進步(退步?)都是值得高興的~

"每個人也會同時存在的兩個我"
理性與感性 熱情與冷靜
天真與世故 沉默與魯葬
放任與克制 藍色與白色
自由與依賴 獨立與信任
溫柔與堅強 禁忌與釋放
華麗與樸素 浮誇與自然
好勝與隨和 直覺與邏輯
自私與奉獻 執著與遺忘
當它們協調和諧時 那是腦海創意力橫滯的全盛狀態
當它們同時亙相衝突時 那種矛盾激盪又是難以形容

睇到最新果期
左眼角有點奇怪的感覺
太睏了
我的最大優點(?)就是不會失眠
一睡就到大天光~呵欠..ZZZ

Weekend Surfing (滑浪假期)

開始Super Hatch Block 6~
尋日返半晝 晏晝12:45就打卡閃人
去到朗豪坊 時間armarm好飯都冇得食
因為臨放工前整左杯啡 格外精神
臨尾起度互相交流 正
有D朋友去完澳門唔俾手信囉...太差啦~^^
之後去左IFC~上左上面個Podium
依種地方做"秘密花園"一流啦~不過要過海!!
Tony同榮叔都去左睇恐龍 其實我都想去呢 仲咁近北角!!
入去百老匯睇頭文字D
吱吱吱(飄移聲)成兩粒鐘
之後去任食壽司 都OK既~個價錢

近排手Cad好流利 但都Hatch左成個禮拜~要加快啦!!
有蒙古來的手信?!Thanks~Stephen~^^
設計不是空口說白話 而是發現問題 製造良方~

熱煲Eason U-87~ 今日正歌 "遇見了你"(國語)

Daily Affairs (日常事務)

Super hatch左成個禮拜西安既住宅+幼兒園
終於完成lu!
入黎兩個禮拜我最叻都係做Mapping
係咁襟Alt A+S+D
不過成日Plot出黎都搵到錯處~
落左成個禮拜雨 終於出陽光!!
晏晝去Conference 夜晚去睇頭文字D
唔知今個月有幾多呢? 雖然O左唔多晚
好想Chur多D用來讀Topup!!

朝早睇新聞~IQ高都有IQ高既問題
"我唔需要人地明白我諗乜"
因為IQ高既人比平常人諗多D同埋自有理論
好驚人既言論 其實我都有少少固執傾向
但我好明顯係相反啦...哈哈哈
只係EQ比普通人高^^

今個暑假實在太"充實"了~
太古城有恐龍睇呀!!

Grow (成長)

起APM聽兩個男仔Jam歌
有遇見 你聽得到 愛拼才會贏
結他+電子琴再+林一峰腔 好正!!
返大埔果陣同吉傾左陣
天蝎座既人對"呢D野"真係無法克制
回家途中腦中不自覺地響起
全世界失眠
在我睡覺之前 接通天地線 俾我個腦風暴一下

回憶重播到很多年前的場景
想起那天起床的時候電台播出的巧合
想起那些甜蜜的歌詞
想起那個戲院?我們曾經在流眺Q起阿Sa那年還叫做"叉蓮"而唔係"沙蓮"
想起棟樑里回家的路
想起漩渦
想起大眾樂吃早餐的碰撞
想起拿著電話一邊亂寫一邊教物理
想起4C
想起5C
想起第一次吃飯 約會 上學 遲到
想起海濱公園
想起那些意重深長的對白
想起我做過和沒做過的事情
想起眼紅紅
想起我踩單車買票的那天
想起天象館看美女與野獸
想起天蝎座
想起金牛座
想起靈風
想起會考前和會考後所做過的事
想起我和那年的轉變
想起人與事的變遷
想起朋友們
想起沒有改變過的關係
想起原來我忘記了很多
想起我己經沒有很多秘密留在心中
想起我天生愛聆聽
想起我的幽默
想起回城大的路
想起南山
想起冰室和品香
想起Money姐雄厚既內扑Q起一齊通頂趕功課聽絕情谷爆笑既日子
想起薛老師教手圖
想起Joseph既尖銳問題
想起Anna既鼓勵
想起Ivan原來中意Fran Gehry
想起Year 1 Sem A的面孔
想起Year 2 Sem B的面孔
想起東京
想起新加坡
想起台灣
想起北角
想起華匯
想起浮誇
想起葡萄成熟時
想起原來人還是能夠學懂忘記
想起那年的可愛
想起現在的穩重
想起過去
想起未來
想起現在
想起那些夢
想起這些事掅自由的從腦中自由出入
臨訓前既彌留之間 的確特別多靈感..

草苺100%既人物星座...
唔怪之得咁有共鳴?
只係未有天蝎座?

Merry-go-round (快樂的迴轉)

遊樂場內的旋轉木馬有個美麗的名字
Merry go round(迴轉快樂)
但究竟因為何事而快樂?
美妙的音樂? 高低跌盪的模擬? 不斷旋轉的風景?
還是那隱喻的意義?

工作的確很好 但不舒展一下總覺得很勞累
我體內潛藏的活躍份子蠢蠢欲動 吼!!!!
幽默感無處可發 唯有發任創作下工作空間
連日以來既大雨...就算起Office都Feel到打雷
起公司聽純音樂同E神碟
夜晚始終都係要Hup一陣
今日唔係Wicky 係我同阿黨收尾~9:30
真係要平衡下緊迫既上班生活^^

返屋企果陣諗到D無聊發明
例如係搭車飲食勾...
比決擇終端機更加無聊

Portable Secret (小秘密)

今日負責西安個Project
其實只係玩0下Superhatch執四個Ele
夜晚OT到10:00 呵欠...

食完飯之後聽Walter同Wicky師兄講0下前途
對我黎講或者仲未浸夠 但佢地已經諗定之後條路
唔同類型既人就會成為唔同類型既Architect
Manage既可以主打Run Job 做Admin 攪Document
Design勁既可以玩得天馬行空 玩Form 賣Concept
重點係：點樣令你個Project兩樣都兼顧?
做人都一樣 點樣起獨立同社群之中平衡?
捨一則失衡 取此則棄彼 難道真的沒有妥協嗎? 答案是否定的
世上沒有做不到的事 只有用藉口自圓其說的人
幸好 我不是這種人~^^
凡事出於自己的真誠 難竟還能不笑由心生嗎?

漸漸明白很多的處世之道
成熟的金牛是很世故 很有邏輯 很有自己的一套理論
當中似乎包含著複雜的情感與物慾
他會執著 但似乎不會插手與他沒有直接關係的事情
他執著於處事對人的原則上
他的道德觀並非來自膚淺的黑白
而是近乎投資與回報的相互關係
所以對他來說人沒有絕對的善惡
而只有交易不斷的利害關係而矣
他可能會在九十九天平靜的日子後
展現出短短數分鐘的風暴
實際上要他安靜亦不困難
只要是美好的人物 工作 場所 食物就可了
不需要太多 只需要讓他覺得安穩就夠

小克嚴肅系列：重複

"但見旁人談情何引誘 問到何時葡萄先熟透
你要靜候 再靜候 就算失收 始終要守"
在靜待會考放榜這段時間 其實你己經預計得到
下一年 你將要重讀中五
二十年後 你會失去了什??
失去了自由? 失去了身形?
屬於那段失去了的感情的記憶 也其實早便失去了
生命就是不斷的重複
不斷的重複
你就是不相信 你花了很大的勇氣去否定它
如今 你已是兩個女孩子的母親
這份勇氣 是你於第一次會考完結那天學回來的
"點算呀? 實要Repeat啦今次!"
許多年後 憑著同一股勇氣 妳撥了個電話
慰問那個剛喪母的他
當然 數年前若他稍有勇氣的 兩人再沒有分開的話
此刻你給他的安慰 可不止於一個問暖噓寒的電話了
生命的確有它奇妙的地方
這些年來 你一直被幸福摟著入眠
但 總有無數個失眠晚上 你會自自然然喚起那首歌
連帶你25歲至30歲期間某些快樂片段
只是 你一直不知道 那曾鼓勵著你的一首歌
那一夜 是出自他的口
當時的你也不知道 10年後方會真正遇上這個人
"日後 儘量別教今天的淚白流 留低 擊傷你的石頭
從錯誤裡吸收 也許 豐收 月份尚未到你也得接受"

要請定假去澳門!!哈哈哈

Travel (談旅遊)

Travel alone without plans
獨個兒沒有計畫 漫無目的地旅遊 簡稱漫游
電話加裝漫遊服務 也需要一輪申請手續才能辦妥
但若然要自家出門漫遊
一個Passport 一個背包 己經足夠
最需要的 原來不過是一個出走的藉口

從執拾的雜誌堆中讀到這篇專欄
遇上了一篇同樣愛旅行 愛自由女孩的文章
她一樣去過我去過的地方 也有我沒去過的
當然 愛一個人到處走的心態應該大同小異吧
僅此獻給同樣愛一人同遊的朋友

一個人
有人說 一個人旅行 高興的不順的都沒有人跟你分享
這樣的旅行 不好玩
也有人說過 一個人旅行 所遇到的人和事都會很不同
不同的是對事物的期望和態度 沒有旅伴同行
卻更容易打開心靡認識新的時地人事
沒拿地圖 只有白紙墨筆相機隨身
相信自己的眼睛和感覺 才是旅行的最佳良方

大安森林公園
世界人應該有一些地方或景像是你很嚮往的
當你找到它的時候 必定令你非常感動 甚至 很想哭

永康街
茫然到達永康街 一個自己曾經喜歡到不得了的地方
但再次身在其中又覺得己經失去了感覺

台北101
到達台北的3天以來 令我覺得自己在台北的是一幢建築物
台北101 很奇怪每次見到它就會很興奮
不過我只要在遠遠的地方看著 心裡面已經覺得很滿足

九份
九份 應該是沒有一天是不下雨的吧
至少 在我記憶內 是這樣的
一年過後 重到九份 突然發現 很多一年前的東西都改變了
也有一些東西仍然保留

讓我也加些我的人地感受

八里鄉
沒想過在陌生的國度仍能騎著腳踏車到處逛
望著淡水河岸邊的景色 遊玩的人們的歡笑聲
沒有孤單 沒有憂鬱 旅遊就是要放肆自由一下

士林夜市
在迷失與自由之間 在孤獨與熱情之間
我找到了另一種快樂的方式
人人都在萬千美食中尋找著
在大街遵著規律 望著街旁的奇趣玩物
我手握一杯薄荷雪泡和一塊蔥抓餅 滿足了一晚
輕爽的氣味透徹口腹
我沒有了煩憂 換來的是 美好的自由

每次獨遊的時候 總會有一些隨心的背景音樂
一邊聽著 一邊靜心感受身處的環境 許多感覺總在這時候跑出來

Blissful Island (忘憂島)

今日晏晝放工之後約左汶
起尖沙咀過三拳之後
隨心地去左太空館買天像劇場既飛
"鯊魚島"
起開場之前去左海港城Page One
即興地搵九龍城寨既書
買完野食之後...點知?
Time is Up!! 極速飛奔去太空館

歡迎大家黎到哥斯達黎加的科科斯島
這片位於太平洋的熱帶樂土，海面下的美景多采多姿，
但又危機四伏。

個天幕好藍 就好似起水底潛緊一樣
立體聲的波浪聲 追逐聲 撞擊聲迴響四周
但依D音樂正係令我昏昏欲睡既原兇...
臨尾頂唔順訓著了..
我係第一次睇戲訓著

睇完之後 天色己夜深
汶生唔知乜事 又耍花槍
返到大埔成支箭咁標左返歸
希望大家都冇事啦! 一人讓一步~

P.S. 借左Ricky D天龍八部
由臨尾開始睇 雖然係改篇 但D劇情都好緊湊 正!

That's the End of my Presentation.?＊

Flatulence (浮誇)

原來浮誇這首歌背後所寫的
是那些在社會中常常都被人忽略
隨波逐流 沒有性格的那些人
他們為了令人注意自己
做出一些與平常人異常的行為

"在世間 平凡又普通的路太多
屋村你住哪一座 ?
情愛中 工作中 受過的忽視太多
自尊已飽經跌墮
重視能治肚餓 末曾獲得過便知我為何
大動作很多 犯下這些錯
搏人們看看我 算病態麼?

你當我是浮誇吧 誇張只因我很怕
似木頭 似石頭的話 得到注意嗎?
其實怕被忘記 至放大來演吧
很不安 怎去優雅
世上還讚頌沉默嗎?不夠爆炸
怎麼有話題 讓我誇 做大娛樂家
凝視我 別再只看天花 我非你杯茶
也可盡情地喝吧 別遺忘有人在 為你 聲沙"

工作頗順利的一天~ 只係成日都有D小錯處
Plot極都搵到D執漏既地方~
上晝大新個姐姐打黎叫我交住址證明 點知...
晏晝改常州D圖~上海停左工?
Ricky佢地1200左成個禮拜啦.....唔病就假
今日準時放工 約左汶同吉去游水 暢快的一晚
嘩 汶個妹咁細個就拍拖啦? 估唔到!!
之後去食十蚊碗 再去風水逛大王誕 好多野食~~^^
有屁就放 有話就講 談天說地 坐言起行
做左咁多年兄弟就係咁簡單之嘛^^
返屋企果陣濕晒 對拖鞋好滑~ 蝕晒底
下個禮拜去澳門啊啊啊!好想快D去!

Change (改變)

今日返到去執0下Persy尋晚俾我既圖
執0下執0下 Lily(則師)又叫我幫佢畫~
Design左地下Patio出面既Garden~
成日既Job大概都係將D圖慢慢咁執(都係設計一部份!!)
晏晝同師兄食完飯後去到大新開簿仔
一入門就問"係唔係黎開簿仔果位楊生呀?"
我終於都帶左住址證明啦!!點知..
原來要最近三個月內既~.~
個大新姐姐勁好笑 佢話如果唔補交就"追"我
阿志就話佢都想睇0下係唔0係真係會"追"我...
不過又會咁橋 原來佢今日Last Day
唔怪之得佢既態度咁啦^^

今晚留到八點幾 不過我始終唔夠師兄/姐勁
佢地點解可以留到十二嫁...
定係我新黎報到所以先至冇堅野做呢?
我都好想整返鑊十二 不過我諗會Chur乾Chur盡
但係$$$就暴漲!!!
我好想賺多D養家 自己用 去旅行..!!!貪心左D?
但面包都冇點樣去奢望其他野呢?哈哈
睇0下今個月會唔會接近一萬先?...
如果咁都有七八千咁一個月日日Chur!!

返到大埔經過風水
果度攪緊大王誕
好熱鬧 好多美食同野玩
令我諗返中正廣場同埋士林夜市
下次我會好Free咁去~~哈哈哈哈哈

要得到別人的肯定 從認清自己的身上開始
路是自己走出來的 減少藉口 讓自己行動多過說話
用石頭拋別人的同時 先反思自己所作所為
行得正企得正 光明磊落 公道自在人心
吃得苦中苦 方為人上人 只道萬事衰 不知榮與辱
心善則美 心惡則獰 看著鏡子的時候 不忘內思
畢竟未嘗過風浪 就不算是成長 而且是極沉悶乏味的
我深信 知識能夠改變命運

生命是遊戲 是一場必定要玩的遊戲
所以 別到老來才後悔年輕的時候沒做的事太多
我慶幸我做了很多一生人未必會做 經歷和面對的事
觀念是死的 人是活的 別吹熄心內那團火
愚者千慮 必有一得 我願成為愚者多於智者
水善利萬物而不爭 處眾人之所惡 幾近於道

Society University (社會大學)

今日遲左少少出門口
朝早搭74X 上到車都有得小睡片刻
去到九龍灣轉地鐵
返到去幫阿黨執圖同Kenny印圖
晏晝老闆請飲茶!!!
入到去冇位坐然後成班人閃晒~
過到去大把位~開兩圍
叫左成三十幾碟野食..喔..
依度真係N個師兄/姐
有Wicky Persy Walter Kenny 阿黨 阿志
就好似起Studio咁樣~~
返到去繼續幫Kenny印圖
攪左好耐~見到個Architect D手圖真係堅
D手圖點解可以同Cad圖一樣咁詳細?
我終於知道做到一個Architect唔係講笑!
都明白到識Cad只係做到一個Technician既道理
唔通City淨係Provide draftman?
雖然職業無分貴賤~但好希望見到City人發揮另一D潛質!
-----------------------------
同阿志一齊搭地鐵走 起觀塘道別
APM好多我好中意行既地方
幾乎係另一個沙田咁滯!!
我又去吉之島買野食
買左個涼面+梨茶然後上74X
估唔到起巴士食野咁刺激既
我諗全香港得我一個咁白痴...
-----------------------------
返到大埔時 天色己夜深
去到富亨見到萬寧減價
買左支"母親的香味"
我記憶中 媽咪就係咁既氣味
我好想搵返佢 好似細個果陣去海洋公園
或者世界已經變左好多
佢都已經有兩個女 可能仲己經變得好老
不過我好希望有生之年可以照顧到~
-----------------------------
同左兩位天蝎座朋友傾0下電話
又睇左另一個天蝎座(舊)朋友既日記
浮誇 這首歌聽多了可會爆炸?
用太多腦汁去說笑話 可別忘了娛樂大家
我比較中意阿牛：我是牛 我是牛
金牛座的我 對任何人事物都比較慢熱
但一旦上手 就會記得特別深刻
-----------------------------
要若我不知道建築讀的是什?
想的是什? 畫的是什?
那又如何能成為建築師呢?
雖然長路漫漫 但任重而道遠
深刻的理解是第一步
往後的日子就會更易走~

Seven (七)

今日繼續幫阿黨Plot圖
見有自由時間 咁開始睇0下G:/入面既file
好多Rendering!!歎為觀止
今日大東黎in 同我黎果陣差唔多
不過佢正在可以玩0下photoshop~
同大東去到觀塘各自走
我去左吉吉島買野食 然後起創紀之城走
暫時最平最快既返工路線
大埔中心-74X->觀塘-地鐵->北角
仲有數不盡既路線返大埔? 多謝Wicky指導^^
搭返去果陣有間公司打俾我
真係瘦田冇人耕...^^
我發現真正的自己可能只是如此：
從不渴望不切實 追求簡單力求盡善不求完美
守護原則的同時 不因為隨波逐流而喪失自我
That's Mine!/

返工前睇左段幾有意思既文章 同各位分享一下:
人的情感總是希望有所得，
以為擁有的東西越多，自己就會越快樂。
人之常情就迫使我們，沿著追尋獲取的路走下去。
可是，有一天，
我們忽然驚覺：我們的憂鬱、無聊、困惑、無奈、一切不快樂，
都和我們的要求有關，
我們之所以不快樂，
是我們渴望擁有的東西太多了，或者，太執著了，
不知不覺，我們已經執迷於某個事物上了。

譬如說，你愛上了一個人，而他（她）卻不愛你，
你的世界就微縮在對他（她）的感情上了，
他（她）的一舉手、一投足，都能吸引你的注意力，
都能成為你快樂和痛苦的源泉。
有時候，你明明知道那不是你的，卻想去強求，
或可能出於盲目自信，或過於相信精誠所至、金石為開，
結果不斷地努力，卻遭來不斷地挫折。
有的靠緣分，有的靠機遇，
有的得需要人們能以看山看水的心情來欣賞，
不是自己的不強求，無法得到的就放棄。
懂得放棄才有快樂，背著包袱走路總是很辛苦。

我們在生活中，時刻都在取與捨中選擇，
我們又總是渴望著取，渴望著佔有，
常常忽略了捨，忽略了佔有的反面放棄。
懂得了放棄的真意，也就理解了「失之東隅，收之桑榆」的妙諦。
懂得了放棄的真意，靜觀萬物，體會與世界一樣博大的境界，
我們自然會懂得適時地有所放棄，
這正是我們獲得內心平衡，獲得快樂的好方法。
生活有時會逼迫你，不得不交出權力，
不得不放走機遇，甚至不得不拋下愛情。
你不可能什麼都得到，生活中應該學會放棄。

放棄會使你顯得豁達豪爽。
放棄會使你冷靜主動，放棄會讓你變得更智慧和更有力量。
什麼應該放棄？
放棄失戀帶來的痛楚，放棄屈辱留下的仇恨，
放棄心中所有難言的負荷；放棄浪費精力的爭吵，
放棄沒完沒了的解釋；放棄對權力的角逐，
放棄對金錢的貪欲，放棄對名利的爭奪……
一切源於自私的欲望，一切惡意的念頭，一切固執的觀念都應該放棄。
然而，放棄並非易事，需要很大的勇氣。
面對諸多不可為之事，勇於放棄，是明智的選擇。
只有毫不猶豫地放棄，才能重新輕鬆投入新生活，
才會有新的發現和轉機。
生活中缺少不了放棄。

大千世界，取之棄之是相互伴隨的，有所棄才有所取。
人的一生是放棄和爭取的矛盾統一體，
瀟灑地放棄不必要的名利，執著地追求自己的人生目標。
學會放棄，本身就是一種淘汰，一種選擇，
淘汰掉自己的弱項，選擇自己的強項。
放棄不是不思進取，恰到好處的放棄，正是為了更好地進取，
常言道：退一步，海闊天空。
人生短暫，與浩瀚的歷史長河相比，世間一切恩恩怨怨，
功名利祿皆為短暫的一瞬，福兮禍所伏，禍兮福所倚。
得意與失意，在人的一生中只是短短的一瞬。
行至水窮處，坐看雲起時。古今多少事，都付談笑中。
放棄是一種睿智，
它可以放飛心靈，可以還原本性，使你真實地享受人生；
放棄是一種選擇，沒有明智地放棄就沒有輝煌的選擇。

進退從容，積極樂觀，必然會迎來光輝的未來。
放棄決不是毫無主見，隨波逐流，更不是知難而退，
而是一種尋求主動，積極進取的人生態度。

Smile! (笑一笑)

平常中帶不尋常既一日~!!

上晝搭觀塘線 其實都差唔多時間
只係價錢平幾蚊~ 冇得坐又冇得訓~.~
不過試0下新野冇死既^^ 唔遲到未得囉~
起九龍灣落74A 然後搭地鐵

返到去第一次用張卡返工
0都!!要0都多次先得~
返去繼續上個禮拜既ele
我學識Superhatch啦 但係...
成日都Hatch唔晒既?
太慢啦....Kenny同Wicky晨早攪掂
雖然佢地係師兄~.~
我好努力咁繼續Hatch直到黃昏果陣
阿黨叫我俾棟野佢攪埋帊搷痟N搵左一樣OT野黎做:Plot圖
嘩...中途睇0下人地D 3d rendering
借左Wicky部腦上左陣ICQ~

走果陣搭錯回頭車去左觀塘碼頭!!!!!
唯有影0下D好懷舊既巴士站 望0下觀塘既維港境
然後搭74A去太和 諗住叫Tony幫我羅Transcipt攪Topup
攪左好多野都係影印唔到
最後解決方法:返屋企用相機影底再Print! 唔該Tony~^^
之後遇到令我笑左一晚既事
就起太和些粉出來果陣 我撞到兩個警察
佢見我個樣好趕時間(人有三急) 才羅主好大袋不明物體(則圖)
自自然然咁樣問我 哥仔你去邊呀?
?述完一大論之後...重頭戲：

"你讀City嫁? 係唔係Archi?"
"Money姐走左未?"
"係唔係有間好大既電腦房?(Studio)搬左去德福未?"
"你同Money姐講聲 我叫阿威"

估唔到 原來個警察大哥係BST既師兄!!!!
忽然間好想笑出來.....
氣氛一百八十度轉變
我走果陣仲好回味頭先既幽默對答...
妙在我既入戲(其實係好急)
同埋佢既追問(你又知我係City人?)
冇得頂... 近排我真係 唔通依D就係否極泰來?
好想去買六合彩!!

我諗我除左笑死之外唔會再有其他原因死~信我!

Reality (真實性)

經過尋日好動既一日 今日就比較好返靜
晏晝上Forum睇D奇文異事 例如係
中國神話出處 流處各地的古代神話共通處..等等
睇完之後 又對歷史有更深一層既睇法
究竟有幾多人起中學之後都有睇中國歷史呢?
先民既神話雖然天馬行 不盡不實
但有誰能夠證明古代和現代是一樣的呢?
是因為人類先入為主的認為"現代是基於古代而進步的"
而事實上 有很多文物證明 在人類文明萌芽的六千年前
己經有人類以外的智慧存在
他是神? 還是外星人? 或是其他的生物? 沒人知道
可以推論的是 他們擁有與現代相約的科技
但究竟因何原因令他們消失於地球上呢?
現在的人類 終有一天亦會消失得無影無蹤嗎?
(似乎我既幻想將現實扯得太遠了...^^)

除左睇文 仲Download左隻Game
叫做Singles the game
好白痴 好似The Sims咁玩不過呢--->???
俾我拆左間屋然後重新Design
勁.........

Maturity (成熟)

今日既端午節行程就咁:
上晝Tony整醒我屎忽痕地去游水(!!)
等等之後...發覺冇City人咁早起身
咁就諗住起太和一齊游
點知汶隻屎忽鬼咁arm打俾我
咁就約埋佢晏晝一齊去游~
之後去左太和買泳鏡
$80好貴 但物超所值? 清到戴出街都得!!
起泳池入面見到一對Twins泳衣既0靚妹
有一個好似郭晶晶 幾靚嫁~
但點解會有人可以化妝游水?!我接受唔到..
d BB仔同細路女游水好鬼得意 好鬼想攪~
臨走果陣去左曬鹹魚...
咁悠咁爽既生活先至係夏天嘛!!

之後去左大埔中心行左陣
魔高一丈...我"買碟"俾少左$10!哈哈哈
Wild!! Being mature and crazy does not conflict./

Capricorn-輓歌:
"你沒有喪失正常的做人和辦事能力，卻會偶然間無端失神，
惟有，你很努力地善待自己，因為你最終發現，
這才是你能夠控制的唯一範圍。
你試著寄托於事業、家庭、朋友、興趣之上，
雖然它們並不能代替戀人的位置，
但畢竟你的人生並不是一本愛情小說，
這些你一直忽視的事，至少可以令你的人生豐富熱鬧一些。
只希望在未來的日子，牽掛的次數會減少，思念也變微薄。
只希望抹乾眼淚之後，下一次，終於可以幸福一場。"

原文:http://www.ecannet.com/efiction/view_book.php?bookid=41
我就係好中意睇依個作者D文 真係幾正~

Architectural Life (活在建築)

今日係第二日返興業Lu~
佈置左少少自己個倉
依度真係好多師兄
隔離位係 隔離再隔離都係
玩左成日Superhatch
羅左職員卡 可以自出自入了~哈哈

晏晝同師兄們一齊食飯
講0下D City生活
睇0下面相 掌紋 星座
阿志係水瓶座 阿黨係天蝎座
講0下D阿Sir 薛老頭同KM..孖寶兄弟
Customize晒D Autocad同Window
不過冇得上網~
隔離個師兄叫Ricky
係大師兄~而且住大埔
佢Hatch得快過我好多!!

回程果陣發現新路線
"北角->觀塘->大埔"
快成三個字~我真係好醒^^

遲D周休二日放假去澳門啦 屎忽鬼~~
好掛住台灣既野食 美女(?!) 同埋未浸過既溫泉~.~!!
第日儲到錢既話 我一定會再去多次~

Intuition (直覺)

我們的維港-華燈璀燦 車水馬龍

今日既節目真係一浪接一浪!!
首先係九點幾俾彰嘈醒左陪汶去跟車
行行0下興業打俾我聽日開始返工^^Yeh~
去完荃灣 西九-漾日居 筲箕灣-海怡半島 旺角-中旅社
最後起長沙灣KO埋個Lunch就返大埔
搭72經九肚山個景好靚
返到大埔去左汶屋企
上左佢張床就開始眼訓
一覺訓到六點幾...ZZZ
返屋企羅衫再去游水~非常充實既一日
天氣好好 聽住D好悠閒既歌
聽日返工lu~第一次做返Archi工
希望快D適應到啦~哈哈!!

某位舊朋友的日記 都幾有意思：
事實我們真的長大了，有很多事說出來，
不用真的說得那麼白，就算知道事實是如何的殘酷，
是怎樣的更變的好~不竟可能在別人眼中，
我像個不懂長大的一個人...
但是那些人又何時放下心思來繼續的明白
我是怎麼的一個人...所以不要說他們跟自己是多麼的不適合，
因為大家早已活在不同的國度內生活。
追憶永遠是最好，有憶可追已經是一件好事，
証明過去的年並沒有白過，
原來生命中還曾出現過一些可以令自已感恩的人和物，
感激他們令自己切實地成長。

唔知點解好似好有意思 好有共鳴咁呢?
或者係 緣份曾經令過我地相遇過
只不過 因為種種機緣錯遇 陰錯陽差
今日我地已經係"活在不同國度"既人
不過其實 我都係經一事長一智既大傻人
智者千慮 必有一失 愚者千慮 必有一得
的確 我覺得依幾年既光陰好充實
睇到好多人事物 亦因為朋友而改變左好多
由兩年前開始 我已經知道我既命運會同以前唔一樣
我發覺我左手既掌紋生左條以前冇既事業線
而姻緣線呢 都仲係咁深同咁直
哈哈 有條特別長既代表咩呢?
唔通真係三十歲先黎料?>
長到去手背喎 唔係白頭到老至奇~勁!!

Just for Fun (玩玩而已)

整體性格
xingyeung先生，成熟穩重，逍遙自在；
活潑開朗，禮貌周到，努力向上；
也有意志堅定，機靈變通，爭強好勝的一面。

待人性格
xingyeung先生待人：有情有義；
既喜歡與人同樂也能樂於獨處；敢於表現也懂謙虛；
親疏觀念很強；坦率但不洩密。

處世性格
xingyeung先生處事：不會勉強別人；非常執著；
不隨波逐流；大處著眼小處著手；
穩健踏實；既有計劃也靈活變通。

性格缺點
xingyeung先生性格的缺點為：只顧自己不顧別人；
有時候非常固執不輕易讓步；偶爾會比較浪費出手相當豪奢。

價值觀
xingyeung先生重視的價值觀為：
實用實際實惠；身份地位；勢力範圍；
較不擅長：興風作浪；親暱黏膩；與眾不同。

愛情性格
xingyeung先生在愛情上喜歡步調適中的進展，
懂得欣賞浪漫，會忌妒也能包容；
較常表現：溫文儒雅，熱情奔放，多情執著，行事靈活。

金錢性格
xingyeung先生的金錢觀：
花錢很適度不浪費也不小氣，喜歡按照計劃用錢；
容易把錢用於：提升生活品味，探索新奇，滿足自我，求新求變。

Gaming Live (遊戲人生)

今日終於去唱K 唱到連把聲都沙埋~
有我 Tony 大東 Barry Charles 大飛 Wing
Aman 阿芝 阿雙 Fannie
到底唱左幾多次夕陽無限好?!
唱完之後去左尖咀間Peace Cafe
一開頭玩左D好無聊既Game
之後開始玩Master Mind Archi版
好似差佬查案咁 仲要鬥Tricky
估唔到 真係估唔到兩Round玩成幾個鐘
玩完都七點幾Lu~然後搭271返歸
好眼訓...成八點幾自動彈起身

就咁訓左一程 好舒服
有時候講左D野俾人知真係放鬆左好多^^Thanks
水落石出 柳暗花明
三言兩語就攪掂了~咁大個人!
一頭蠻牛?...我只是一頭金牛

創世紀真係好好睇~

Space Feeling (空間感)

天空淡淡的
微風溫溫的
街道空空的
路人悠悠的

飄起的一片落葉吹進了酒杯
手上的線自然的畫進了筆記
隨意畫 隨意想 隨思緒
慢慢地墮進腦海一邊
讓童年的我慢慢釋放
讓那年那天那地那氣味重現
是酸是苦也是甜
那氣味那山丘那擁抱
就如夢幻亦可再見

如鳥要飛到天邊
如夢亦化作心願
如風快要變飛氈
如露將快要閃電
想像的亦能實現

好耐未咁詩興大發.. 哈哈
曾幾何時我係一個用單行紙都諗到詩
依家? 都仲係咁創意力爆炸
不過..只係唔會再亂咁諗~
今日In完 個印象都幾好
希望快D有回覆去返工就好啦!
聽日唱K Good~

今日起北角行到去太古
愈黎愈中意起一D未去過既地方
一直咁樣向前行
今日我行過既係:東區
期望下次再遊另一個地方~

Forward E-mail (發放電郵)

依幾日不斷漁翁撒網咁Send Resume出去
一封Reply都未有~.~ 要繼續努力~
唔想就咁就浪費左個暑假!!
要準備定讀Topup既學費呀!
希望快D有Reply 請唔請都好
就係唔中意D E-mail係咁石沉大海...
唯有去0下游水同圖書館充實0下自己
將信心堅持落去就會搵到 盡己所能!!

不斷向前走就是最佳的平衡方法-愛因思坦

Black Humour (黑色幽默)

Armarm睇完今日起圖書館借既
"台北Lost & Found"
發覺原來台灣依個小島都面對緊香港面對緊既問題
只係異邦更加珍惜保護祖先遺留落黎既財產
比起用商業潛質去衡量存在價值既香港人
係唔係十分慚愧 汗顏呢?

歷史本身就是一項無價的寶藏
從不同年代的文物 我們可鑑察到技術的進步 思想的變遷
然而 在保留與割捨之間 有著一條朦朧的界線
保留的都是好的 還是好的才被保留? 這是一個沒答案的問題
無形之中被推翻的 遺忘之中被復甦的
此起彼落 表像雖倒 精神長存

P.S.1:今日剪左個新髮 清爽!!
P.S.2:估唔到短髮Look係咁似我以前個朋友~
P.S.3:Coke Light己經變成左我血液既一部份

Loss is Gain (無論得到還是失去-也是得到)

去旅行既經歷 往往可以令一個人成長
去過日本 新加坡 台灣
三次都有各自既原因而去

第一次學習計劃旅程
用一D半鹹淡既日文去溝通
咁大個人第一次搭飛機
身處一個凌亂 複雜 變化萬千既城市
我體驗到高超既科技既黑暗一面
冷淡 疏離 倚賴 成為未來的潛在危機
城市缺乏靈氣與人情味
用再多的細緻精工也無法補留遊客的歸屬感

第二次既交流活動
其實己經變左做自由行
睇到城市好明顯被規劃
以法為本 秩序穩定
清潔 完美 近乎無瑕的城市
人與人的認知也加深了
初次嘗試遊火車河
感受當地人的人情風味
熱情而自律 嶄新與懷舊
不論人種的包容性
感到這種城市才適合人性的發揮

第三次的旅行是自費出發的
在籌劃方面我沒有什麼貢獻
初次到達 明白想像的與實際總有出入
不過做左好多未做過既事
自己一個遊走台北 環遊列車線
如果在外地不離群一下總覺得對自己不起
我已經學習如何從迷失中尋找方向
過去的經歷 就是為未來舖路
我明白 我將會經歷更多