Taipo Tour (大埔游)

吐露港的夜景真的美不勝收~

從來都覺得星期日係差電既好日子!!
晏晝好好天氣 緊係要去游水啦!!
約左汶同彰起太和游
出門一刻感覺到前所未有的休閒
點知去到泳池變成...
游左一陣 又睇左一陣
好想去0下其他泳池游~下次出斧山啦

就係因為識左咁多年
絕唔會因為D芝麻綠頭事而擘面
話轉頭未又係咁多野傾
雖然都仲係講埋D無聊白痴野~

游完水永遠都係去十蚊碗
今日我食左碗牛肚粗
依度真係有好多回憶
我諗五六年都有? 唔係太記得lu~

食完之後過左"大埔超級城"行
我都係叫慣大埔中心/大埔廣場多D
唔知第日富善同富亨都會變埋超級城一部份??!!

汶去Puzzle家呵呵呵
我同彰就即興地遊吉之島
去埋大元?小飛象睇模型
一次過做返D0靚仔時代先會做既野
竟然仲有D舊到封塵既模型
我想買返地平線呀!!!
之後各自散
我去左以前果間魚舖睇魚...
成個大細路咁

返到屋企試新Game
隻隻都咁好玩 今個暑假起屋企唔憂悶了~
雖然仍然一至五朝九晚？
重拾孩提時的熱情

"你相信有些東西永遠不會失去嗎?
我相信有 你也最好相信"
這是我讀村上春樹的書中最深刻的一句