Setting Out (在晴朗的一天出發)

前日去中央借左兩本關於中國建築既書
其中一本係薛大俠推薦 緊係唔借唔得啦~
返工果陣不斷咁"睔" 都幾好睇
依本書叫做"不止中國木建築"

是日係同歡姐以全職身份既Last Day
野我就唔係好識講~..~
唯有用美食代表我地既心意啦^^
Thanks you for Everyone in Hsin Yieh~

看到晴朗的未來和......緊逼的時間表?!

Les sourires jaillissent (好好笑)

尋日星期六係去玩既好日子
上晝執埋D Detail
做到晏晝忽然間接左個石家莊
同各位食完個午餐 返上去
做到四點幾 比歡姐行先一步
過APM買飛睇"人細鬼壞"
先後JOIN左一手 大東 BARRY 榮叔 歡姐
最後都係遲左少少先入場~

套戲真係出乎意料之外咁好笑!!!
個BB賤賤格格又鬼咁得意 真係冇走寶~
笑完之後 過左裕民坊十0下十0下+韓燒
各位黎食甜品幾乎多過食正餐~
傾0下開學前後既活動 終於可以放鬆咁玩0下啦~
今日雖然唔係約左太多人出黎
但係都好滿足地笑左一晚~^^

重返校園~唔知仲好唔好玩呢?

Time to say Goodbye (再見時候)

睇返以前既日記
原來時間真係可以改變好多事

"幼年期->成長期->領悟期
每個階段的我 總會遇上某些人和事
因為遇上了他們 我才改變了很多

成長->煩惱->解決->得著
只要一天在生
人便不會斷被面前的環境影響
昨日的我 己經在歲月中無聲逝去
在成長的過程中 我忘記了很多
而且一去不復回
我只怕自己變得太不近人情 太麻木冷淡
或許我太易受環境影響

幸好~即使我的腳步己經不再穩健 笑容不再燦爛
身邊的朋友仍然肯聽我的肺胕之言

我只想靜一靜
然後
來個微笑

昨年今日 我做了一件好厲害的事
今年今日 我依然沒變？
其實我己經唔同左好多..哈哈"

我希望重拾那清淅的思路 親切的態度
五點幾去左買野食
好耐未食過水泡餅了 Thanks~
返到下個禮拜三就可以抖0下了
就俾我充電休息幾日啦^^

吉起我armarm返入大埔果陣打來
一齊去左新裝修既吉之島
例牌行埋大中先走
去左東昌街舖頭
見到佢果隻狗狗都變到人咁大隻了
時間 真係眨0下眼就過左去

啦啦啦~又係去玩既時候^^

When The Stars Meet (當星相遇)

網上看到一段有意義的句子:
記住該記住的，忘記該忘記的。
改變能改變的，接受不能改變的。
人生短短幾十年，不要給自己留下了什麼遺憾，
想笑就笑，想哭就哭，該愛的時候就去愛，無謂壓抑自己。

"自由" 就是在限制下做出最大可能性的事./
像水一樣 從不拘泥

Dream Tour (夢遊)

日故事

下晝
很久沒見過的叔叔來訪
伴隨著叔嬏和堂妹
這個女孩已經十一歲了
我還記得小時候
曾和那個活像小狗般大小的她嬉戲
很是天真可愛
時光飛逝
她已經長在我胸口的高度了

醒來的時候
我只記得這些./
*********************
夜故事

發夢
到了一個陌生的地方旅行
在旅伴當中
有新知亦有舊遇
這是哪??我不知道
我只記得搭了一架的士
前往哪??我不知道
我只記得那是一輛打了我一程廿元的折扣的紅的
除了我和司機
車上還坐著另一個人
她是誰?我不知道

醒來的時候
我只記得這些./

Small EyesXBig World (小眼睛 大世界)

Yearout as my Daily Life./

我認為生活
就是不斷在學習一些不懂的事情
真正的成長
就是學會如何理智地分析與決定
************************
睡眠對清晰的思維有極大的影響
機器需要休息 同樣腦亦需要休息
得到適當的充電 就能夠以十足火力
解決大大小小的問題
************************
明察秋毫 大刀闊斧
這兩件事是沒有矛盾的~

Train as an Architect~＊

P.S.:尋晚同Archi友玩左晚
先起葵芳新都會Hae左陣
再落旺角打機睇書再去寧記打邊爐
都食左幾個鐘呀 埋單舊幾水
不過一齊開開心心個氣氛幾好~^^

"簡而清"

Timing (機)

在球場上的決定了勝負
最關鍵的
就是"機"
機:機會 時機 轉瞬即逝的時刻
掌握了機
就是在"適當的時候做適當的事"
盤傳帶射 每個動作都像做手術絕不多餘
針對空隙 一擊即中 That's All./

開始做古洞Diagram 快手起左三個~
今日都係530閃人
成個Design Team唔見半班人...
打波先黎落雨~.~

羅0下一件 羅0下又一件
眨0下眼就唔見左半盒泡菜細卷!!!

Blues Sky (藍天)

今日執左成日石家莊
哇..歡姐今個暑假手CAD一定進步神速啦~
我就起無聊時間畫左好多好多Sketch
起搭車同Lunch時間就博覽群書

晏晝同Tommy講左返學既安排了
只係...連佢都走埋仲有邊個話事?!
辦公室政治 非我所理解之內
還有很多學習的機會
畢竟 我還很年輕哦
就算你抱著點樣既心情
始終過左夜晚就到新既一日~

男人可以坐起度柯尿
咁女人都可以企起度柯尿?!咩道理?救命..

Life Game (人生如戲)

晏晝各自Share大家的觀點
又袋左好多野落袋^^多謝指教
六點零KO左個石家莊

起APM依家有個小型書展
買左本"歡迎加入NHK"
俾個名呃左原來NHK係...."日本廢材協會"
好一本講講述隱青既漫畫
食得多山珍海味要食返D清淡野清0下腦
的確係無聊漫畫一本!!!!!!!!!
起吉吉島買左晚嬰�架車太多人食唔到^^

返到大埔上匪家upload左D相~
打左陣機 落樓下食埋宵夜~
好滿足既一日

Family (家)

尋日既行程
起興業帶人放監食完晏後
然後返CITY羅新學生證
搭火車入上水搭276A過天水圍

滄海桑田
我冇多久沒來過這個家呢?
當時天逸出面的那塊爛地
現在已經變成了輕鐵站

多謝阿?姑姐整左一餐咁豐富既晚孺]晚落好大雨 但我都係出左去行
起隔離商場行左陣
買左支Coke Light出門口
向住橋果個方向行過去
D雷彭彭聲咁樣成條電落黎...好型
沿住大馬路一直向北直到消防局為止
然後向濕地公園地盤一直行
然後上左輕鐵過銀座
依度有個全港最大既百佳(至少有個跨十幾米既Skylight)
有樂町同日比谷中間個廣場真係好靚
去完百佳 VCD舖 周圍兜左陣之後
歸程時候~搭左架天水圍巡環線
好似遊客咁遊左天水圍一圈
返到屋企 有缸浸 有豆花食 仲有書睇~
起個琴上面亂彈左幾下
人生如此 不悅乎?
這個地方令我想很多很多
特別在建設性的思想上
天水圍真係一個放假既好地方~

三年前的我:
寬恕自己沒去做的事，
寬恕自己本應該去做的事。
你不能因為甚麼事而終身抱憾。

兩年前的我:
不要執著於萬事萬物，
因為萬事萬物均無常。
不執著的意思，
並不是你不讓感覺經驗穿透你，
事實上正好相反，
你要讓它完全穿透你。

一年前的我:
我們大都像是在夢遊，
我們事實上沒有完全體驗這個世界，
因為我們在半醒半睡，
做著自以為非做不可的事。

現在的我:
人們擁抱物資，
以為自己就會獲得擁抱，
但這樣做沒有用。
物資的東西永遠無法取代愛，
或是溫柔，
或是親切，
或是同胞手足之感。

未來的我(!?):
你若找到了自己生命的意義，
你就不會願意重新來過，
你會想要繼續向前。
你想要看得更多，
做得更多。

P.S.:上面果個唔係AV!!!!!

Do! (應做就去做)

要好好珍惜和家人相處的日子^^
過去的二十一年
祖父母也一直為著生活而奔波
因為父母離開 所以我被他倆寵壞了
現在他們退休了
做孫的又能夠做什?呢?
現在的我很想讓他們享福
如果見一面就能夠讓他們開心的話
始終我們還是一家人~

祖父的心酸經歷 讓我明白到
身在福中要知福 凡事不能強求不足
要不快樂很易 要得到快樂也很易
只在乎你把分界線放在哪~

跌一跤 再起來 擦傷了 也會好

Beautiful Life (美麗人生)

想起自己還有瓦遮頭
三餐溫飽
肥肥白白
家人健在
朋友知心總未離棄身邊
這不就是這世界很多人
自出生以來便追求的幸福?

今日星期四 打波日~
聽師兄一席話 勝讀十年書
我該慶幸 生命上總是遇上良師益友
每當我在執迷的時候
在我的前方亮起一點光
因為不再迷惑 就計劃前路該如何走
三分天注定 七分靠打拼

今日有成十人打波
好多師兄+興業前輩
我既球技仲有好多進步餘地~Keep住打
打完之後沖返身涼 爽立刻!

大埔吉之島重新開張
好想去睇0下?!
都開左十年有多了!!

讓自己無時無刻都像一塊海綿
有鬆柔的綿勁去整合自己現有旳
吸收自己缺乏的

Stone Free (石自由)

是日宜送機
占士 阿Pearl 阿B Izar 粉粉終於都飛左了~
首先我起北角返大埔Join佢地再搭返E41出去(!)
去到機場 八點幾 去左老M食野
見到占士同阿B佢地到左

見證住各位將超重既行李瘦身既壯舉
Tony好落力咁樣為各位辦事
曲終人散..係我反應比較慢
近排語言出左問題 要反思一下
三思而行

Winning (勝利)

依幾日放工返屋企都起度煲隻
高達-True Odyseey 真係好好玩^^

又黎石家莊 咁快去到第一Round了~
Tommy終於返左來
一齊入去講暑假後既安排
做人都係專心一意D好~
工作還工作 讀書還讀書
但係如果時間許可
又算唔算對自己既一項考驗呢?
起度返工好開心
可以同一班師兄姐一齊做野
雖然大多數時間都係各有各做
但係都幾融洽丫~
又真係可以學以致用

人的通病 就是過於相信自己的感覺
做人過於自我 就會執著於一些細微的結上
相信自己所做的是總是對的
而忘記了一些真正美好的事情
忘掉自我 誠心的為別人而微笑

沒有任何人 沒有任何事
沒有任何星座 沒有任何生肖
可以決定你後天的命運
只有一個人
那就是手上握著這本書的你

Clean and Clear (大清理)

我們的人生 擁有太多非必要的東西了
好像雜誌 文具 包裝 裝飾 零食等等
很多時候我們都出於衝動把它們擁進購物籃中
但我們己經沒用它們多久了?

懂得過生活的人
就懂得減除一些對自己不必要的負擔
沒用的雜物 就爽脆清除
現代人太容易被物質所佔有
但是你的家並不是收藏雜物的博物館吧?
不斷的消費 令人們慢慢忘記了自己真正的需求
在整理的過程中 就能夠學習
重新建立對自己有益的生活環境
以前的物件 沒必要留太多
反正我們太多用過一次便沒再用的東西了

關於整理 在人生其他層面也適用

Lost in Park (失樂園)

還記得有多久沒有玩過
摩天輪 咖啡杯 過山車 乙水乙水轉 Sir滑梯嗎?
有多久沒看過海豚 海獅 殺人鯨的表演了?
在水泡上飄浮的水上樂園中
反覆衝著那驚人高度的滑水梯而樂此不疲
在荔園玩不很驚嚇的過山車 拋香口膠 摸大動物
學著賽車手在那些歡樂天地的碰碰車飄移
在大圍站看著青龍的巨大摩天輪在夜晚閃閃生光
卻慢慢地變成一個燒烤公園
單車公園已架成馬鐵站了
似乎我們都己經回不了那段美好光輝的過去
童年樂事 似乎只能夠永遠留在心中
我們被科技所改變的世界影響的很深
昔日體力勞動玩樂所帶來的滿足感覺
很快便給電腦遊戲所取代了
期待已久的遊樂園
還不過是一個大財團堆砌出來的虛幻世界而已?
難道紙醉金迷 破壞環境 還能夠稱得上給小孩子夢想嗎?
良知都往錢裡看了?

期待有朝一日 香港會重新發出生命的光輝
那是種不靠財力 物質 名牌所營造的快樂
才是人們真正在心底渴望 期待已久的樂園

Eight Lord in Heaven (天龍八部)

Jya~ I-100% Wa Owarimashita!
或者好多讀者都認為
東城和主角這一對比西野和主角還要好吧~
的確 沒有開的花永遠都是最芳香 美麗的
因為不用經歷枯萎 凋凌
這種關係能夠稱得上缺憾嗎?

又會咁arm既?

A Brand New Me (新的一頁)

很久以前的日記
曾用這題目作為人生新階段的序
自那天之後 又經歷了六百多天
人生好像不過是個旋轉遊戲
轉完了又會再轉回來
你會為己經走了的列車而悲傷嗎? 不會
因為你知道走了一班還有下一班

是夜很愉快
也許是由心的發出那笑容
那種再無牽掛的生活態度
我敢於承認 因為那己經過去
既然放得下 就得言行一致
安守本份之餘 亦去盡力而為
學懂珍惜和尊重己經很幸福

Self-Explore (認清自我)

自以為是的豬常常問自己:
那段逝去的關係是真的嗎?
入道的豕和他說
春去夏來 秋去冬來
你會問春 夏 秋 冬 是真的嗎?

想有人關心
想有人共鳴
想有人包容
想有人溫暖
想有人愛
你的快樂是從別人的身上得來的嗎?
這和外在的認知有關嗎?
那你為何憑認知而斷定呢?

本來沒有 後來有
本來有 後來沒有
一個人和兩個人又有何分別呢?
為金錢傷心 就是為了金錢而活
為感情傷心 就是為了感情而活
為過去傷心 就是為了過去而活
為工作傷心 就是為了工作而活
你願意追求這些不真實的事物而存在嗎?
那你現在為了何而活?
因為追求不能夠得到的東西而痛苦
你願意嗎?

生命本來就是沒有意義的
那由你來給它意義不是很好嗎?

說要努力找幸福的人
在走過千山萬水之後還是找不到
當他在樹蔭下乘涼之際
"啊 我已經很累了 不想再追尋幸福了"
那個時候他才得到真正的幸福
因為放棄對努力的執著才是得到幸福的開始

說要找尋真正的自己的人其實永遠也不能如願
所謂很認識自己的人其實才不明白自己
我們擁有很多識別事物的形容 名稱 方式
"金牛座很悠閒" "那個人很差" "這樣才對"
等等約定俗成的思考模式
因此 我們都安定於現狀而懶於思考
其實"我不是誰" "我也不是不是誰"
因為我包含了一切
明白這個道理的人
才真正的看見真理

人從空裡來 亦從空裡去
發覺自己有不明白的地方
就是開始了解自己的時候
看來 我還是要成長
停來步伐回首一看
笑著自己原來己經成熟了一些

Macau Tour (澳門遊)

依兩日同Archi人去左澳門玩
好耐冇見 有種期待已久既感覺
起大埔Join Tony
起大學Join佩玲
起大圍Join阿邦
起尖咀Join Anthony
到達港澳碼頭
Join埋大東 占士 阿文 阿Wing
食完早餐過大海
上到船挫大D不斷咁贏 奇牌!!

到左果度就開始落雨
唔止打波 連旅行都會咁橋!!
搭車去酒店 分頭上房
整頓完畢然後去大三巴
去到果度上埋炮台山博物館
唔講猶自可 一講就落雨落到Cat and Dog咁
喔.........................
遊覽一下澳門歷史
去左觀光塔但係冇上到去
但起果度玩左好耐!!
影左好多型相
夜晚去左果間沙利文餐廳
已被Black List!!!
去萄京兜左個圈
環境好雜
我真係好唔中意依種地方

同阿邦出左去行夜晚既大三巴
中途傾0下計 去左食燉奶
好似經過一個暑假之後
個個都好似成熟左同有D唔同既經歷
我都覺得你好開心幸福 恭喜晒~
始終都係中意白白痴痴既自己多D^^
唔開心既野咪諗啦~
我諗我唔會遲你好多既 希望在明天丫嘛!
之後返去Join佢地去左搵宵夜食
行左好耐.. 食得仲飽過去台灣果陣

第二朝早同阿邦去左自由行
諗住去海事博物館
點知..過左乙水仔
中途佢打到返香港 哈~
到達海洋花園 死城一個?!
快手快腳搵車返去澳門果邊
終於都去到海事博物館!!

之後去左隔黎媽閣廟
再搵路上埋山頂上果幢教堂~
靚景加白痴相 就咁KO左一個景點
時間armarm好 打的返去Join佢地
Tony買左個早餐俾我..好醒 多謝晒!!
之後終於成班人去左乙水仔 冇食豬扒包
佢地話好飽喎?????
之後起度掃0下貨(佩玲only)
行埋龍環萄韻 係時候回程(點解好似蝕左咁!?)
過返去去左文化中心
中途發生好多事 大家走散左
我地都係決定搭巴士去果度
去到文化中心 真係不枉黎澳門一遊
咁arm今日仲要係免費入場^^
去度入面享受一下世界級既博物館空間
好似日本仔既設計?
可以睇到米羅同畢加索既作品~正
仲有一個專人講解
之後又等車...我唔明咁近點解都唔行?
係我既問題定係大家都嫌辛苦唔願行呢?
Anyway 打的去到東望洋燈塔纜車站 點知..閂左
唯有起果度食平野~一蚊串+西米露
又返去大三巴果頭
起"坤記"果度訂左位
然後買手信
其實都係D香港都有既野 冇錯!!

之後回程返香港~ZZZ
返到黎又係咁 成日都唔落雨係到夜晚先係咁!!
中環黑夜~

今日雜記:
百無聊賴用CAD自學兩點透視
一字講晒 掂!!
仲有咩我係未學識既呢?