Thousand of Words (千言萬語)

來到最後的衝刺..各位都努力的工作!
兩年之後 我地都係返返去細圖房進行Last一個Blem
好順暢 大家都好輕鬆~好開心
Derek仲講左好多野 我就畫左張Sketch
中途俾班Yr.1入黎騷擾 今年D Yr.1真係...
去左南山~食得好飽 返去再續Project
哈哈 拍住上做Project係唔係有效率D呢?

當然我也是金牛座~不過我不是424是516
人有相似? 的確係 咁你夠係山羊座囉
乜咁有緣..哈哈哈哈哈 另一個98喎...
估唔到都你忽然間傾起星座 哈哈哈
長篇大論是我的作風~
中途買野食 "食"也是金牛座的特性^^
Yr.1果陣 真係好多好好笑既事囉~
有人又交手畫既入積圖 有人又拼貼畫Present~

小時候的事 大概只能夠笑我們當年太幼稚
因為發生了很多很多的事~
人長大了 自然便學懂了更多新的看法
交埋Ject Test Profo 再去台灣 Good Idea!!

View (視角)

今日上晝執Report
晏晝返去繼續~兩點幾鼠左陪歡姐食Lunch 多謝菜肉包
我點都唔似你碗面咁"　"啦!..你就"　" 我點係呢~
然後繼續執直到五點幾落去Print Report
見到成幾個禮拜冇見既Stephen
同埋不斷"埋頭苦幹"既歡姐
希望Archi入面唔好太多講人地既是非啦

返上去大力催人去上Last一個Seminar: ICAC
中途有笑有叫..但我覺得佢講D野太過..
或者係我點都唔會係依類人?
釘埋本Report就開始Ject Ject Ject
七點幾去左南山 可能係叫左杯純啡
夜晚好有效率!
多謝Yuki同唐駿send我的Details~

"Life is a miracle game,
you will never know the whole story,
until the day of leave./
人生如夢 夢如人生 我喜歡不一樣的思考方式
常人看見的也許有一百八十度的現在空間
我看見的 是三百六十度從過去到未來的混合時空"

嘗試過用這樣的角度去觀看世界嗎?
從多角度觀察 便能夠認清眼前所進行的事情
當然 亦能夠切身處地的從別人的角度出發
包容多點 寬恕多點 快樂多點
矛盾少點 怨恨少點 稜角少點
口?說的是讚美而不是妄語

世界上的煩惱源頭只有一個:欲望太多
越過一切的邊界 偏見 讓原始的心靈像水一樣
一點一滴融?像海 而不只是團積自己所喜愛的
大海之大 在於其不擇細流
如果大海只會?集清源正流
那麼極其量只會集成一個湖而已
懂得快樂的人 絕對不只讓自己活在快樂之中
而是在快樂和悲傷的時候都反思原因
用智慧平衝思想 用行動證明理念
不讓空口說白話 只讓手腳來實踐

我的願望說來簡單
"只要有一個齊整的家就夠了"
對我來說 這是我自出生以來的冀望
希望我的母親能夠快樂~

Root (根)

"上善若水，水善萬物而不爭，處眾人之所惡，故幾於道。
居善地，心善淵，與善仁，言善信，正善治，事善能，動善時。夫唯不爭，故無尤。"

今日帶住好眼訓既身體返學
Blem..Sorry 我又遲大到
不過大力丸都話我唔洗大改
剩係出返份Report就得了 太好~

晏晝堂Lecture 開始溫Writing
雖然都係溫極都唔入腦 但都硬背左一D format
Kenneth...今堂佢好認真~冇放Break但有早放!!
之後同Ivan去左英文中心溫書
中途累得滯打電話騷擾人^^
五點幾去左食Tea撞到占屎佢地armarm打完波
之後落去拉把繼續!!
不嬲我都係一個唔聰明但係又中意學野既人
我硬係中意玩野 讀書唔成去學我覺得有用既野
但反而係咁樣所以我學既野真係有用?..

八點幾 去錯左房~ 好彩唔係遲太多
撞到另一個Ivan
題目太約係
"Fathers sholud take the same responsiblity with mother?"
既argumentation 作左三版幾 掂!!

又過左一關了 Blem同Ject..Hae交啦!!(笑)

Passion de Kitchen (我愛廚房)

累積幾天懶散的進度
今日的Project進行得幾順利
諗通同埋決定左好多之前諗過既野
唔會好特別 仰或係將特別化為簡單?
Think it Simple, Keep me Smile.^^

黃昏時候去了大船(大埔墟綜合大樓)
又遲還書!! 我要改善0下依個咁唔守時既壞習慣
夏天返黎~要做返多D運動
金牛的月份又來了^^ 五月之星
幾年前我地都係一齊睇Star Wars
當年我仲..第一次入太空館訓住黎睇電影
今年終於要為依套大長篇劃個句號

ELC Project Problem..
點解有咁多野做我都唔驚既? 點解呢~?

Old Youngers (老頑童)

星期日檔案看到一個很窩心的節目
主題是"老人選美"
看到那位婆婆與夫婦為比賽而付出的努力
看見他們毫不下於年輕人的魄力
像嬰孩般的好奇 少年般的冒險精神
他們從來沒有老 因為他們不讓自己隨時年洗磨
原來美 只不過是這樣簡單
不需要艷壓群芳 亦不是孤芳自賞
只要是擁有自信的 都會散發像年輕人般的魅力
他們才是真正的老人家
因為他們還有對夢想的追求
亦使旁人看他們很費神 很多餘
但在他們眼中的 這就和年輕時的浪漫沒有兩樣
老而不衰 長而不壞 用而不竭 就是養生之道
在有限的時間發揮無限的潛力

內在的青春 活力 積極 才是生命存在的證明
有句話說得很對 "有些人外表很年輕便內心充滿陰沉"
人既然只要有一輩子 為何要讓自己不能盡興呢?

老鼠愛大米有廣東話版~由Twins 唱 (有D怪~)

Seminar (研討會)

今次的Present有充足準備(睡眠)~Pre得不錯
我終於可以做到夢寐以求既工作：淨係做美術同排版
多謝組員們~Yuki Ivan 阿湛 唐駿 Y文 阿B
做左一個鮮得來唔會太搶既背景~不錯
晏晝到南山品香 擺左兩圍
返到去先教阿邦用我個ftp
再之後就教crit大寶姐個Project
嗯~要掉0下個星盤同爐頭 希望你會畫得切@
再睇左一D 日本既靚廚櫃
再睇0下D forward email
之後同阿去左做"尖"
出完一身汗 爽晒
返到黎坐左陣就過左去蒙民偉
起紅門等齊人
開始出發去"期待已久"既Ken Yeang Seminar了

搭車果陣佢地話見到唐駿..但我眼大睇過龍!!Sor!!
到左HKU 阿邦既朋友出來接我地
上左去Master 既 Studio
哈哈 我對俾昔日City人串冇乜感受?
佢地用紙皮搭成既地頭好有小學勞作房氣氛
再上去搵訂坐 歡入黎果陣見到薛老頭!!! 哈
薛老頭不愧為社交的專家
Seminar過程~ 下刪
中途見到佢地訓到豬咁
我都Hup左陣 大飛隔黎坐左個靚女
不過佢就唔可以直望 得Tony可以目及女..哈哈
臨走前 Tony同薛老頭在廁所相遇
再俾本書Ken Yeang簽名
大家搭電車走 爽 歡姐於上環落
然後我地就去左銅鑼灣
百人一朱 我終於明白點解..
唔洗旨意一百蚊唔洗就落樓
不過真係好好食!!

行左陣 都差唔多尾班車了
去唔到鳴炮!太差了
同Tony Pearl Kamping一齊走
圓滿的一個快樂星期五~

Watch Out! (看那)

930起身 直到晏晝 個Ject都係冇乜起色
返到City 竟然起眨眼間晝左一個Scheme出來!
哈哈 Derek講左好多好多野! 我地仲..不過仲爭D Detail!
星加坡同學黎左lu~不過唔知係地方問題定係咩呢?
我地冇起星加坡果陣咁熱情對佢地?
係果邊實在太人傑地靈? 定係香港人不嬲冷淡慣呢?
只係地方上既差異就可以影響人既性格
嗯 我覺得新加坡人一定覺得香港係一個好壓逼既城市
其實好既建築 就可以改變一個人既生命
好希望 香港既建築可以多返D人既考慮
而並唔係只係為左用盡地價 而不段密擁發展

之後 起Sport Complex等到六點一
又係我衰既 唔叫多D人@.@
哈哈 你又咁橋要開會丫
打到成七點半 今日狀態好劣!!
隻手持拍都持都紅左
下次一定唔會再輸俾你~

返去Studio之後 做左陣野再一齊去南山食晚飯
第一次食晚飯喎你~ 哈哈
我仲羅左公數去食雪榚........
返Studio 玩Power Point
好!過埋Interim要做Ject!!不能氣餒!!!
一要努力 二要努力 三四五六都要努力!!!!

生活要好過 就必先改變思考的方式
從多角度去觀察一件事物的本質
那就自然去得到另一種感受 另一種味道(!?)
自由自在 無拘無束 順其自然 包容世界
對於一個城市人來說會不會困難了點?

Critical Date (臨界的日子)

上晝返去傾Blem
由於尋日傾左好多 又抑或聽日要交Ject呢?
所以都係冇乜野傾到出來~
近排我對個Blem好似冇乜興趣做咁..好悶
所以就開始玩Power Point
上完Blem之際 大力竟然話唔洗上Lecture
咁就快快樂樂一行Archi人去旺角K Lunch
雖然歡姐都要上CCIV 但都被誘一齊唱K~
仲估唔到佢 仲有一把咁優美(可愛?幼稚?!)既聲線
原全變左另一個人 其實你唱歌同唱琴都一樣咁好聽~
你前世可能真係一隻老鼠~
Jove佢俾我地憑歌寄串..喔

之後 我同一手開始尋找豆腐味雪榚之旅
由旺角行到去油麻地 途經四間OK 都係搵唔到..
不過買左支好好味既荔枝雪條
返City之後 悠閒地渡過一個黃昏 仲Hup左陣
今日去左食大排檔 Archi人..嗯
之後就同一手去左買豆腐味雪榚 真係好鬼好味!!
返到去...Flatout 喔!
今日究竟做過D乜呢? 嗯...聽日Interim!

Sculpture Architecture (雕塑建築)

難道這個世界上的一切事物都需要解釋的嗎?
也許經過那五年的美術訓練
習慣了用右腦去思考 創造
美術與建築的分別是 一個是理性 一個是感性
於感性方面的範疇 似乎我比常人敏感一點
理性方面的 似乎我是身邊朋友最差的一個

這件作品 純粹基於右腦的感覺而雕琢出來
對理性的人們也許過於抽象
但對我來說 這正是我所理解的
黑白 光影 虛實 變幻 統一 質感
用了同一種語言 另一種方式
表達我心中對建築這概念的認知

由YR.1開始 同埋做Tect Report果段日子
無間道依首歌 代表左好多Archi人心聲 包括我
幸好 最難過既日子己經過去 雖然我仲未真正領悟建築
但起我既路上面 我知道 我一定唔會再輕言放棄
畢竟 建築就是一個令人既愛且恨的學科~

無間道
我要為我活下去 也代你活下去 捱極也未曾累
忘掉我有沒有在陶醉 若有未來依然要去追
生命太短 明日無限遠 始終都不比永遠這樣遠
不理會世上長路太多 終點太少 木馬也要去繼續轉圈
明明我已晝夜無間踏盡面前路 夢想中的彼岸為何還未到
明明我已奮力無間 天天上路 我不死也為活得好
有沒有終點 誰能知道 在這塵世的無間道

生命太短 明日無限遠 始終都不比永遠這樣遠
不理會世上長路太多 終點太少 木馬也要去繼續轉圈
明明我已昨夜無間踏盡面前路 夢想中的彼岸為何未還到
明明我已奮力無間 天天上路 我不死也為活得好
有沒有終點 誰能知道 在這塵世的無間道

如何能離開失樂園 能流連忘返總是情願
要去到極樂條長路遠 吃苦中苦
苦中苦 熱永不間斷
明明我已昨夜無間踏盡面前路 夢想中的彼岸為何未還到
明明我已奮力無間 天天上路 我不死也為活得好
快到終點 才能知道 又再回到起點 從頭上路

City．Architecture．Space (我的城市．建築．空間體驗)

終於把這兩個月來的所見所聞上載成功~
曾遊歷地點包括九龍至新界
屋村與漁村 鬧市與鄉郊
對於讀建築的我來說 確是一個很好的體驗
至少 我找到了另一種學習的方法
在Studio以外 我們能夠以另一種角度看我們的香港
我們的世界 並不像我們身處的狹小
我們若能張開心眼 動一雙腿 定能看得更多
原來 美與不美全在乎一念之間
做人夠?容 那麼走到哪?
也會發覺一些微妙的 有趣的事物

做人難得糊塗 又何必執著定要比別人高
遊戲人生最好 爭名奪利誰又能帶進塵土?

三門仔碼頭

建造中..比華利山別墅

比華利山住客會所

伏在街頭的鋼筋

石峽尾群樓隨影

六/七十年代的古跡
見證著香港最香輝的一頁

色彩鮮艷的立面 不一定要在高級豪宅

黑夜之後．日出之前
那?沒有邊界 只有時間的易轉 光暗的交替

中庭走廊式公屋
那些空間 經歷多少風雨 幾多歡笑?

旺角街頭的巨大白色盒子

別有洞天 黃大仙鳳德公園

我在荃灣碼頭回看青衣

城市大學的路牌 你知道在哪?嗎?

老友 (Old Friends)

今日陪蔣生去買PS2
估唔到同一個商場個價都爭咁多
俾左D我唔玩既Game俾佢..哈哈
哇 暑假去台灣咁好! 記住買手信~
今年我地Archi人唔知會唔會攪D畢業旅行呢?

哈哈..大家都大過左咁多
自從靈風畢業之後個個都唔同晒~
無心向學既 都向住唔同既方向進發
有讀中醫既 有做搬野既 有繼續讀書既
不過個個都向返一D自己既目標進發
時移世易 希望你們的心也仍然懷有希望
永不屈服 曾經是我們年青時候的心態
但當我們不在學校 便反而為了現實屈服?

我來到了一個正確的地方
我發現了一些有趣的知識
我領悟了很多另類的觀角
原來 人生還有很遙遠的路要走
我還是一個初哥 只希望身邊的朋友能多多包容~

尋晚睇左楚留香同甜蜜蜜
楚留香入邊既狄龍好型
成套戲都好正 估唔到成二三十年前
而甜蜜蜜方面
原來依套戲係講大陸同志黎港遭遇
有D似村上春樹既小說
性與愛情與不可改變的命運
結尾還來個黑白重播
"眾?尋他千百度 那人卻在燈火蘭跚處"
原來人生就是這麼一回事
抱著如此的達觀 還能有甚麼能難倒自己嗎?

Smiling Face (笑面迎人)

上晝上Blem傾得幾順利
希望你地原諒我個腦有時候Load得比較慢~
下晝Hae等夜晚慶祝佩玲生日
首先就俾左D紙皮石歡姐睇
然後去左同阿文打羽毛波
哈哈 有人冇褲冇得打Lu~
途中阿邦過黎果陣 點知呢..
佢地真係哈哈哈哈哈
臨走仲起拉把門口撞多次 果真有緣播~
不過俾大家笑..預左啦 Archi人~

落到油麻地周圍搵蛋糕 打機 埋位
總算係一個幾好既聚會
不過 我總係覺得 我地班Archi人
實在有太多太多既謠言同是非啦
做同學姐? 冇必要去得咁盡丫
做人唔通唔可以學識多D包容同欣賞別人?

回家的時候 聽了這首陳年的歌 問我：

問我歡呼聲有幾多　問我悲哭聲有幾多
我如何能夠一一去數清楚
問我點解會高興　究竟點解要苦楚
我笑住回答　講一聲　我係我

無論我有百般對　或者千般錯
全心去承受結果
面對世界一切　那怕會如何
全心保存真的我

問我得失有幾多　其實得失不必清楚
我但求能夠一一去數清楚
願我一生去到終結　無論歷盡幾許風波
我仍然能夠講一聲　我係我

笑住回答　講一聲　我係我

Real Experience (親身體驗)

上晝上薛老師既Tutor 其實大陸Archi已經唔再落後
但最大既發現係 佢去完廁所條褲鏈都係跌返落黎 噢!!
下晝上Project 大家都冇野Crit^^
睇左KM既帶一陣..大家心照
一話出半島睇佢地面向維港個廁所 點知Casual入唔到同未夠鐘
然後八仙過海 齊齊去駱克道睇建材
走馬看花一輪 去埋森美立體廚櫃果度
搭地鐵果陣原來我起旺角落錯左...
再搭返去太子 去度始創點知間宜家搬左屋~
咁就過去隔離巷既黃色事業..講笑 建材至真
果邊有好多舖頭 不過我眼所見都唔算係D"豪宅"級
我入左一間名為聯興隆既裝修舖
問左老闆娘好多野
例如係點解廚房唔用紙皮石 用舖啦
點解用石磚唔用拋光磚啦~
雖然我只係用五蚊買左一呎紙皮石
但係己經問左好多野
就當唔係做功課 我都獲益良多
雖然對其他人黎講 可能只係一D小知識
但起碼 我知道 起社會同生活上面體驗出來既學問
係最合乎實際 最容易理解既

哈哈哈哈哈~

Explorer (探險者)

建築對我來說 不只是凝固的音樂
它來含韻律 起伏 虛實 變易 歷史 等多重意義
它不只是生活的機器 靈魂的容器
它可以是一幅未層染墨的畫布 一塊未曾雕琢的石頭
讓建築師在世界的舞台上一展生命力
建築的形式可以千奇百怪 但它必定要擁有"生命"
生命這詞語也許抽象了點
於我而言 就是建築?的虛與實的生動結合
構成出於人而言是舒適和美觀的空間

今日幫佢地做CCIV..哈哈 乜原來咁易嫁咋~
係我識野多左 旁觀者清 還是佢地?!?..

Archi人呀
唔講一件是非當積福 沉默是金 你地又明唔明呢?

Paradise (天上人間)

人世間的快樂 可以很簡單 亦可以很複雜
當你在喝一杯清水 每天起床還能夠有瓦蓋頂
己經是一種絕頂幸福

當你細想 在世界的另一端
有著朝暮不保 衣不敝體的人時
你會發覺 原來簡單的享有己經是幸福
所以說 貪心才是破壞幸福的元凶
心懷感因 緣因四時萬物皆有序
君不見飛鳥走獸野花綠葉皆自樂?

人的快樂有很多原因 而不快樂只有一個
我選擇的是 對自己和別人由心發出微笑

三個階段 我在哪一個呢?

Pleasure Prince (快樂王子)

"二十五種快樂的方法"
有二十五種快樂的方法你做到了幾種呢？
以下係我對依廿五種方法所作既自我評估
如果你都有睇到既話都不訪一試~記住留言俾我知你有冇喎?
標注：●有○冇◎間中

1.保持健康，有健康的身體才有快樂的心情●
哇~我不嬲都百病不侵嫁播~

2.充分的休息，別透支你的體力。○
嗯..不過我有時會好晏訓覺..

3.適度的運動，會使你身輕如燕，心情愉快。●
定時跑步 踢波~不過始終起Studio坐得多得滯~

4.愛你周圍的人並使他們快樂。◎
依個真係要學習一下~ 係周圍的人(們)~嗯

5.用出自內心的微笑和人們打招呼，你將得到相同的回報。●
這個不難 但我要好好控制自己情緒不再失常

6.遺忘令你不快樂的事，原諒令你不快樂的人。●
有云: 最大的復仇就是寬恕 而且 還能學懂豁達!

7.真正的去關懷你的親人、朋友，工作和四周細微的事物。◎
也許因為生活上壓逼的緣故 近來的我比較難相處一點?我要找回從前的我!

8.別對現實生活過於苛求，常存感激的心情。○
追求完美太過不切實際 與其這樣倒不如凡事順其自然 知足常樂~

9.享受人生，別把時間浪費在不必要的憂慮上。◎
如上~但要記著 別因為"享受"這兩個字而落於庸懶!~

10.身在福中能知福，亦能忍受壞的際遇，且不忘記寬恕。●
少說一句別人的是非 多說一句真實的讚美 那就是積福了

11.投身於你的工作，但別變成它的奴隸。●
哈哈哈 我是在玩 不是在工作 會否過份了點?

12.隨時替自己創造一些容易實現的盼望。◎
這個嘛..願望只有一個 就是世界和平 人人健康~

13.每隔一陣子去過一天和你平常不同方式的生活。●
發掘一些被人遺忘或是一些另類的快樂 正~

14.每天抽出一點時間，讓自己澄心思慮，使心靈寧靜。◎
冥想...嗯嗯嗯 唔好變做發吽豆或者發白日夢

15.回憶那些使你快樂的事。●
回憶的美好 在乎你不硬要想它的結局 而想它的過程~

16.凡事多往好處想。●
經歷過三個學期 難道我還能不學會這種態度嗎~?

17.為你的工作做妥善的計劃，使你有剩餘的時間和精力任由支配。◎
計劃對我來說的確弱了點.. 但為此可有多餘時間工作(睡覺)還是值得的!

18.追求一些新的興趣，但不是強迫自己去培養一種習慣。●
最近的我開始改變 不知道這算不算是一種新興趣呢?

19.抓住剎那間的靈感，好好利用，別輕易丟擲。●
奔放一D! 狂野一D! 創意無邊界 在乎你怎去分好壞~

20.替生活中製造些有趣的小插曲，製造新鮮感覺，使自己耳目一新。◎
飛髮算唔算呢?

21.蒐集趣聞、笑話，並與你周圍的人共享。◎
哈哈哈哈哈 俾人笑都可以係笑話黎嫁嘛?

22.安排一個休假，和能使你快樂的人共度。◎
這倒要安排安排一下了..^^

23.去看部喜劇片，大笑一場。●
唔..希望我唔會睇笑片都喊 痴線!!

24.送自己一份禮物。●
食物都得!

25.給心愛的人一個驚喜。◎
哦哦哦哦哦

上帝早己為世人準備了一切
在適當的時候 祂會為你盡佈豐盛的宴席
在未到的時候 祂會為你準備舒適的坐位
在等待的時候 你不必憂慮太多
因為 盛宴早晚也會來臨
在乎的 是你抱怎樣的心態去享受它
是理所當然? 還是凡事感恩?
來到這世上 當然要活得精彩 活得快樂
以前既我 己經隨年月慢慢蛻變
依家既我 就係為左享受生活同埋近接新生而變~

唔知有冇朋友睇得出我有咩唔同左呢?

Tarzan (泰山)

晚上看了迪士尼的電影：泰山
這使我對這個夢工場的電影徹底改觀
一直覺得迪士尼的出產只以孩子的樂趣為主
在這短短的兩個小時
看見了精彩絕倫的色彩動影
大自然森林的奇幻壯麗
跳躍於大樹之間的人猿們
還有泰山那種不懂世事的態度
人性的醜惡 情與義的決擇
如果你有天發現自己與同族的人並不是人類
你會選擇重新做人? 還是依舊愛自然?
人與人之間 本來就沒有所謂的隔閡
因為現代化 人與人都因為科技的進步減少了溝通
人與其他動物不同的是
人類擁有愛
我們懂得珍惜 愛護 關懷 欣賞 尊重
我們並不只像野獸般為生死相博

人有智慧 懂得創造文明
因為這樣 人類創造了歷史
幾千年來 做成萬千文明
那有光明的時代 也有黑暗的時代
里暗與光明 本來就是共生共易
不能同時存在 卻又不斷更替
沒有永遠的事物 只有永遠的改變
這就是 我們的世界

Built Expo圓?結束
Derek萬歲~

Blur Expo (朦朧博覽)

今日Expo開始啦!! This is a great show!!
朝早返來見到各位整裝待發 果然夠勁
我俾人話似經紀啦 薛老師啦...哈哈
入到惠卿劇院 好多大大粒
好似梁振英啦 毛太啦 黃生啦~
見到Archi人領先頒獎
我地似乎係四科入面最型既~
Jiff..好攪笑!

返到攤位 曾經有一段時間有大大粒經過
Jiff佢真係..抵你Win既
嗯..大家一定以為我好唔開心?
希望你地唔好起我背後講是非~

傾左好耐 難得有人肯聽我講無聊野
識我既人自然會明我點解會咁傻^^
或者我天真得滯俾人話白痴 隨便啦~!
P.S.鳴謝2~開始眼訓了..

幽默之於我有如必理痛之於頭痛病人
特效而強烈 急切而徹底
後遺症是 過度活躍..哈哈

顧大飛<-看他的Tie~!

美女粉粉..?

頒獎典禮~鳴謝阿雙~

組員呀~Yuki~

組員呀~Rachael~

龍爭虎鬥

組員..哈哈~

Archi之花~

二傻~

Winner~型死啦!

我塊Board~

Temporary Complete (暫時完成)

終於KO左個Built Expo Present Board啦!
不枉今朝比Stephen同大飛還要早霸機
大家既Board都比預期中好~
裝飾玩野 塊Board玩野 排位玩野
比起CEM BSE 佢地果D 真係我地型幾皮...
擺埋Game咁想點呢?
Jove張細卡仔好正~

理論上我是一個怪人
怪人先明怪人諗既野點解係咁唔正常??
係因為現況太悶所以反轉思考方式
係因為常人諗唔到就諗得深一D?

的確很累..但累得有價值!
士別三日 刮目相看~

Horoscope (星座)

為團體盡心盡力的日子，
辛勤奉獻的你當然就成為人氣的標的囉。
不過也不需要謙虛或莫不吭聲，
有讓你表現的機會就去把握。
平常的學習、研究成果儘量給它搬出來，
有什麼磨練過的才藝有機會就要秀，
積極把握各種能展現才華的時候，
因此而得到什麼好機會的跡象喔。

Sina個星座準到痴線嫁!

多謝北京友既圖章~一個牛一個羊喎..98~
多謝Ivan既過期Archi雜誌~~

Sign (記號)

Autocad + Paint Shop Pro
無聊時不能仰壓使用電腦Effect之作
OK嘛? 歡姐~ 送俾你做Expo啦 哈哈

Revolution (革命)

"生活不是坐牢"
身為香港的建築師
好應該停止像鑄模一般
不斷建設著沒有個性的現代建築
人們需要的僅是舒適的生活空間
不是雲石地台 特大會所 空中庭園
廿載年前的早已做到的
為何在科技發達 日新月異的今天
竟然消失得無影無??

起商務睇左本叫做"香港風格"既書
勁插香港政府對建築既態度
一針見雨得來又完全合符事實
舊時有既優點 依家好似己經被取代得一乾二淨
新不如舊? 還是官僚中缺乏聽取市民訴求的人才?
建築的本義就是為了解決人類對現況不足的問題
既然問題存在已久 為何偏偏坐視不理?
是因為主宰政府架構的 都是商人出生的政客嗎?
他們了解佔了全港一半以上人口 公屋住客的生活質素嗎?
還是只是在玩著他們的數字遊戲? 愚弄著無知市民的智慧?

只好怪 這個都市沒有那種有勇有謀的人
人們愛活在習慣性之中
與其不易為而為之 倒不如安份守己
但是這樣的社會又何來進步呢?
難怪這幾年來 我發覺香港的社會步伐
只是在跟著別人的鼻子跑
當一樣事物缺乏了他自己的特色時 他已經死了
因為他連自己的生命也丟棄了

懷著革命的心 一步一步
為殘缺不堪的都市重新建設
建築師任重而道遠
其神聖如帝皇 思維如草民
方能設計出最合乎現況的建築
使香港走出思想的牢獄
大概就是下一代建築師的責任

Message (訊息)

對於人類，有時候似乎會迷失及受到邪惡力量、
自私及恐懼所控制，復活的上帝獻出愛的禮物，
包括寬恕、和解及重新打開通向希望的靈魂
……愛會改變心靈及帶來和平。

這是教宗臨宗前的話語
活在迷途世代的人 會否明白他遺言內的訊息?

Nature (自然)

在人（人為）與天（自然）的關係上，
莊子主張「無以人滅天」。所謂「無以人滅天」，
就是要求人類不要以「妄為」去毀滅自然，
不要以「強為」去摧殘生命。
只有這樣，才能保持自然生態平衡，
以達到人與自然和諧的目的。

如湖泊水池邊的野雞，「十步一啄，百步一飲」，
奮翼爭鳴於陵澤，完全是一種自然的天性。
如果人類不尊重這種天性，強按人的愛好和意願，
把野雞養在籠子裡，雖然「常啄梁粟，不旦時而飽」，
但是這些野雞還是不如在水澤裡自適。
再如野鴨的腿雖然短，要是把它接長，野鴨反而會憂愁了；
鶴的腿雖然長，要是給牠截去一段，牠反而要悲哀了。
所以「性長非所斷，性短非所續，無所去憂也。」

"本性是長的不必截去，本性是短的也不必接長，那就沒有什麼可憂慮的了。"

馬生來蹄可以踐霜雪，毛可以禦風寒，
吃草飲水，翹足而跳，這是「馬之真性」。
然而治馬的伯樂卻不尊重「馬之真性」，又是剪馬毛，
又是削馬蹄，又是印烙馬皮，「馬之死者十二三矣」；
又是飢之，又是渴之，又是以鞭筴之威驅馬奔跑，
「馬之死者已過半矣」。

道家主張「無以人滅天」，強調對生物天性的尊重，
反對按照人的需要，強行改造自然生物的本性。
這是一種極可貴的循乎天道的自然原則。
*************************************************************

人類的天性 本就是
源自血統 源自祖先 源自故鄉的
那是一種
不能忘記 不能磨滅 不能放下的元素
生於彼 長於此 而立於斯
即使沒有別人的指導
人類 還是有搜源索宗的天性

天地萬物皆共生 鳥魚獸蟲自有性
倘於一片青綠無垠的草地
靜聽流水?玉 鳥兒笙歌 花逸晨香
萬物有情 於是創造了一個美麗的穹蒼
五光十色 四季更替 不分歲月 幻變如梳
人工的改變 只會破壞了本身的天性

復歸自然 愛這個地球多一點
人與人之間少一點怨氣 多一點和氣
這才是人類返樸歸真的天性

轉了少少版面 唔知你睇唔睇得出呢?

One hand sword man (獨臂刀)

晏晝睇無線套獨臂刀~好好睇
估唔到三十六年前既戲都可以咁好睇
之後去左攪Sim卡
然後上左匪屋企
好耐冇咁大班兄弟一齊玩lu~
夜晚睇左倩女幽魂同奇幻潮
一日之內睇左咁多戲...真係勁

繼續研習中國史地@.@
唔係為左讀書係開心D!~

Good Weather (好天氣)

天氣真爽 好適合郊外遠遊
首先去Activate返張Sim卡
再去三門仔觀光
影0下果度好特別既風景..唔錯

做人簡單一點
不等於封閉自己 活得幼稚
識得過濾 識得長大 識得天真
先係成為大人既條件
老積唔一定成熟 天真唔得於幼稚
人大左但係同細路仔一樣咁諗野有咩唔得?
玩得像細路 工作像大人 那就是理想人生

木綿花開 就是冬去春來的先兆
為何清明時節
不見雨粉輕飄 而見太陽普照?

教宗的彌留 不期然的酸了一酸
人生再世 生老病死 仿似不能避免
是苦是甜 在天國定有加冕