When To Meet Again (何時再會?)

今年的農歷年尾係我廿一年來最開心既一次!
謹在此多謝各位出錢出力 義務幫手既Archi同學~
對面熟食檔既各位姐姐嬸嬸 哥哥叔叔~
左邊檔既大家姐同磚頭兄 右邊檔既小蕙姐仝人~
冇你地既傾力幫手 我地今次一定冇玩得咁開心!^^
由搭棚構思同埋實行裝飾開始
大家開始排除之前既種種唔同意見
向住同一個大方向去做
頭果幾日 生意平淡 而荃灣果邊又鬼死咁旺
大家就開始怨 點解會揀左依個咁冇人氣既年宵場?
過多幾日 生意漸見起色 雖然只係旺丁唔旺才
但大家都開始冇泄氣同埋埋怨 各施奇技 各發精力
令大家開始成為全場最耀眼最悅目既一團
年廿七晚起個棚入面訓...真係凍到呢!!
年廿八晚九點零十點先返到來
個勢好旺 雖然仲未賺夠錢!唯有養精蓄銳 用在一朝
到左年三十 諗住晨咁早返來開檔
幾乎全場咁早咁滯...點知個個遲到?!...
一夜雨攪到入面好似打仗咁
幸好隔離檔既磚頭兄義務幫手搭棚~
第二個到既係阿芝 然後係大飛 阿竣 Charles
唔記得晏晝食左D乜
夜晚熱鬧到呢!!
最後割價大傾銷~
俾你開價 連價都唔同你講@..係我諗既@@
今次既年宵諗左好多同做左好多~~哈哈哈
有人抄襲唔一定代表自己成奶ㄨL至起碼得到其他人既認同
依種成功感真係好難得
臨埋尾之際 收到大東Message~小賺是福呀
下年 等占士同東尼返黎之後
大家要攪最後一次既年宵^^

Ready for? (為明天準備)

尋晚返學真係充實..朝九晚十
上晝上BS開始覺得唔係路..佢教緊乜呀大佬?
之後過南山食早餐 榮同Ivan中途加入
然後返去抄功課...嘩!!讀Archi咁耐第一次呀
點解一份咁既Worksheet會花咁多時間去做嫁?!
上Project..冇乜野俾Ivan睇 進度緩慢

Wedding (成個老襯...)

尋晚去完飲!!謹祝蔡生蔡太
白頭到老 永結同心~快D生仔俾我地玩^^嘻嘻
好耐冇認真咁打日記? 唔係唔想打又唔係冇心機播
只係覺得好似冇乜大事好記~
今個Sem個Urban Design功課都好玩
同符碌 阿邦 阿文同Ringo一組
改返個組名啦!!!叫咩好呢..
唔該晒佩玲幫手Laser Cut個摩天輪~
下次我想Design件野去Cut呀 實現設計夢!!

不過尋晚上唔到Adv Contech同開年宵會~SOR!
個阿Sir好似Archi...著晒黑衫 英文好笑
去飲真係好開心~同阿興由City出發
去到牡丹亭..蔡何聯婚~係佢地啦^^
佢地都黎齊咁滯
個個都好似冇乜變咁~
阿僑既好笑程度簡直爆晒
西藏高原...羅白糕同年糕...
飲左好多紅酒!!
同大餅搭271返歸~

成程起度諗Urban既野
我諗我真係好中意讀Archi~哈哈
人非草木?定係劣性難改?抑或金牛真係好固執!?
真誠祝福所有朋友
2006年既 愛情運 學業運 工作運 家庭運 財富運~要乜有乜!!
會唔會貪心左D?..哈哈哈

今日買左個靚MON^^好開心
開學之前整理一下"工作室"
準備好心情迎接新既一學期~

中左紅色炸彈..哎~

Overnight Meet (晨遊)

愉快的一夜^^
好耐未試過同標頂友一聚
尋日我地成班人去左子偉同IZUMI既新屋了~
有我 蔡生 蔡太 培怡 阿興 阿偉 樑仔 阿均
齊齊上去十0下十0下
一邊大戰四方城
一邊大戰十一人
我同樑仔實在鬥得難分難解
最正果場皇馬VS巴塞
激戰3比3仲要踢十二碼先分到勝負
至於四方城果方面
亞洲第一防線...真係唔係浪得虛名
蔡氏夫婦諗住去台灣玩~~正!!
臨走返到大埔同樑仔撐?腳
早餐愈食愈精神!!!攪錯...

大談未來既路 唔洗怕既~ 希望在明天丫嘛!

Learning from Masters (向大師學習)

旅行 造就了人
我的人生也可以算是一段旅程吧
在沒有專門教育的狀況下而志向建築這件事情
就如同獨自在緊張與不安下迷失在一個陌生地方一樣
然而像現在這樣回過頭來看
我寧可將那視為是在那苦難當中以所得的體驗作為食糧
自己才得以一直生存到現在
往往在孤獨與不安
一個人在都市裡彷徨的時候
那樣的感覺便更明顯而具體地流露出來
旅行 也造就了建築家

日夜癲倒左一陣
十點就好鬼眼訓訓死左
一醒返果陣只係兩點 又訓唔返
開左部腦同占士CHAT左好耐
到眼訓返先再訓
D生活好閒呀!!!
唔想再一點先起身
睇唔到衛斯理...

雙雄?!

很喜歡冒險的感覺
在工廠區?跑步
仿似活在外星似的
我發覺工廠竟比人住的地方
更多人性化的設計

估唔到個貓貓機械人都OK喎!!唔洗爛尾~正

Nite@Peak (夜悠山頂)

晏晝符碌打來
起屋企姿整完之後起火車站Join
上左新達M記食野
之後齊齊返City開會
時間多得可以計劃去邊度"冒險"
開會開到五點過左南山食Tea
之後過石峽尾買電話卡打上大陸Firm貨既野
然後開始搭鐵過尖咀
騰達提議去山頂
於是又多條茂利冒險
過海之後搵路上半山
經過蘭桂坊然後再搭登山電梯
上到咁上0下再開始行斜路上
中途以為有捷徑點知係流既
沿住舊山頂道條唔知一比幾既斜路上
終於發現凌宵閣?影
見到D西人跑住落山...真係不可思議
起個路牌影左張相
價值億萬天文數字既維港View 掂啦!!
個觀景台望到對面樓囉 想點??
起上便間M記買左D野飲
再搭返纜車落山
落到去同符碌再行返去灣仔
去到armarm好搭尾班船
返到尖咀各自歸家

好想換M記個利是封...但係!!!!點戴呀大佬!!!

好想買好想買好想買好想買...!

Short Vacation (短暫假期)

終於去完三日兩夜既西貢CAMP~
由於大病初癒小病又發既情況下
所以D事細節唔係好清楚~多多包涵!

頭一日首先返CITY開會傾POSTCARD
之後起彩虹集齊人馬然後上車
笑事一則:無端端有隻狗公
起我地面前大搖大擺?屎又?尿
之後去到波羅輋既消防局落
原來係Year.1去過果個Camp~
開始做運動~
打波打打打打打
打到咁上下
然後上去BBQ
符碌俾人勁隊..
之後歡姐打來落去接坉奏灟t離子頭+紅框眼鏡 掂...
燒到咁上下返房
AMAN IVAN 竣去左識朋友仔
我地初頭開會 之後變傾床頭計
都係果D男男女女既事~
訓醒去食早嶼_華田幾好飲 其他就~.~
食完去左唱K
唱得果幾首歌 個個都訓晒
食飽飯之後又篤左陣波
然後去左攀石!!!
好累但係好好玩~但第二關就衰左
阿文係蜘蛛俠
夜晚食完飯出滿記食糖水
好累好想訓點知又醒左

Strike Back (反擊)

小病初癒~
上晝起身之後出左去跑步
晒0下陽光好健康~
天公造美 上左回歸塔望吐露港

忽然間覺得
建築係一個好偉大好感動既職業
我清楚舒適的
感受到陽光 微風 流水在我身邊存在
生命彷似和大自然相連在一起
無分彼似 無分你我
沒有天 沒有地 沒有人 沒有邊界
萬物都是地球上的一份子
忽然間詩興大發好鬼ANDO...

彷彿這個一月二日才是零六年的新開始
美好的時光來臨之前 總是伴隨著不穩的暗湧
既然黑雲己過 就當好好感受那?意美好的陽光
天上人間 只要知足 人生就得到快樂~

New Year (過新年)

終於都到了二零零六~
在這個普世歡騰的日子 我病倒了...
晏晝開始腸胃不適
加埋食藥個頭又痛又累
冇辦法真係要推晒各界好友所有活動~SORRY!!
夜晚懶醒咁用濕毛巾舖起頭上面散熱
第二朝就知領左野...出風癩
又要食藥...!!!!
點解身體會忽然間變得咁差?

"這是最壞的日子 也是最好的日子"
明白這個道理 就自然快樂自在 隨心而行了~
何必讓自己一成不變 因遵守舊呢?

謹祝各位新年快樂 身體健康 財源廣進
學業進步 心想事成 龍馬精神!
新年願望呢..講真我真係冇乜~
淨係希望身邊既各界親友都開開心心咁就好啦^^