今日同差士同阿邦入左長洲環島遊~
上晝阿邦打來Morning Call先開始起身
出到中環成十二點...遲大到呀我!
起中環地鐵站落 然後跑過去會合 再搭快船過長洲
"朗朗0下"就到左長洲
首先去睇地圖..睇0下有咩景點
坐低食左串魚旦同豆腐花 好正^^
再去左食砵仔王砵仔糕 寧舍不同!!
然後沿海一路行
又上山 又落山 又上山 又落山
我冇落到去張保仔洞~.~
然後落返黎去左間士多抖0下
叫左個熱狗 好好味
仲叫左六蚊"炸旦"...點知原來好鬼多粒
同差士阿邦三個都差D食唔晒
食完之後又繼續行
好多靚海景 同埋好舒服既涼亭
落左去海狗石行返個靚運^^
臨尾去返碼頭果邊買野食
腸粉 魚旦 雞翼 豆漿...全部都好鬼正呀
渡過左一個悠閒既星期日
我地D活動真係唔似大學生D生活囉?
全部都咁鬼健康^^哈哈哈哈哈
沒有留言:
發佈留言